Viral Video: समाजमाध्यमांवर विविध विषयांवर आधारित व्हिडीओ सातत्याने व्हायरल होत असतात, त्यातील काही व्हिडीओ पाहून आपण खळखळून हसतो अन् आपले मनोरंजन होते; तर काही व्हिडीओ पाहून आपण घाबरतो, आपल्याला धडकी भरते. आता असाच एक व्हिडीओ समोर आला आहे.
रस्त्यांवर होणाऱ्या अपघातांचे प्रमाण दिवसेंदिवस वाढत चालले आहे. वाहनचालकाच्या हलगर्जीपणामुळे किंवा रस्त्यावरून जाणाऱ्या एखाद्या व्यक्तीमुळे अनेकदा मोठमोठे अपघात होतात. त्यातील अनेक अपघातांमध्ये चूक नसूनही अनेक निष्पाप जीवांना आपला जीव गमावावा लागतो. त्यापैकी काही अपघातांचे व्हिडीओ हे सोशल मीडियावरदेखील व्हायरल होतात. अशाच अपघाताची एक दुर्घटना समोर आली आहे. हा व्हिडीओ पाहून नक्कीच तुमच्या काळजाचा ठोका चुकेल.
या व्हायरल व्हिडीओमध्ये तुम्ही पाहू शकता, हायवेवरून काही गाड्या ये-जा करत असून यावेळी एक ट्रक रस्त्यावरून जात आहे. यावेळी अचानक समोरच्या बाजूने एक बाईकस्वार येतो आणि सरळ जाऊन ट्रकला धडकतो. या धडकेमध्ये बाईकचालक आणि त्याच्या मागे बसलेली व्यक्ती रस्त्यावर जोरात पडतात. या अपघात ते दोघेही गंभीर जखमी झाल्याचं म्हटलं जात आहे.
पाहा व्हिडीओ:
हा व्हिडीओ इन्स्टाग्रामवरील @futurtimes या अकाउंटवरून शेअर करण्यात आला आहे. त्याला आतापर्यंत लाखो व्ह्युज आणि लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत.
एका युजरने कमेंटमध्ये लिहिलेय, “बाईकचालकाचीच चूक आहे” आणखी एकाने लिहिलेय, “भयानक अपघात” आणखी एकाने लिहिलेय, “बाईकचालकाचं लक्ष नव्हतं.”
