‘तिच्या लग्नातील मंगलाष्टके ऐकताच…’ त्याला अश्रू झाले अनावर; शेवटी हुंदके देत रडला… काळजाला भिडणारा VIDEO एकदा पाहाच

भावंडं एकमेकांबरोबर क्षणात भांडतात आणि क्षणात पुन्हा एकत्र येतात. त्यांच्यातील प्रेम आणि भांडणं जगजाहीर असतात. नेहमीच छोट्या-मोठ्या गोष्टींवरून बहिणीबरोबर वाद घालणारा भाऊ बहिणीच्या लग्नात सर्वांत जास्त रडताना दिसतो. आपल्या बहिणीच्या लग्नानंतर तिच्याबरोबरचं गोड भांडण कायमचं संपणार आणि ती आपल्याला दररोज दिसणार नाही, या विचारानं भावाला गहिवरून येतं. काही दिवसांपूर्वी असाच एक व्हिडीओ व्हायरल झाला होता. ज्यात बहिणीच्या हळदीमध्ये भावाला त्याचे अश्रू अनावर झाले होते. आताही अशाच एका भाऊरायाचा व्हिडीओ खूप व्हायरल होतोय, ज्यामध्ये तो बहिणीच्या लग्नामध्ये रडताना दिसतो.

या व्हायरल व्हिडीओमध्ये तुम्ही पाहू शकता की, लग्न मंडपात मंगलाष्टका सुरू असून, वधू आणि वर एकमेकांना वरमाला घालण्यासाठी उभे आहेत. यावेळी मंडपामध्ये उपस्थित असलेला वधूचा भाऊ मंगलाष्टके सुरू होताच रडायला सुरुवात करतो. यावेळी तो डोळे पुसून स्वतःला सावरण्याचा प्रयत्न करतो; परंतु त्याला रडणे थांबवता येत नाही. मंगलाष्टकांच्या शेवटी तो हुंदके देत देत रडू लागतो. भावाच्या मनातील बहिणीबद्दलचं हे प्रेम पाहून नेटकरीही कौतुक करताना दिसत आहेत.

पाहा व्हिडीओ:

हा व्हिडीओ इन्स्टाग्रामवरील @singer_prathamesh_allrounder या अकाउंटवर शेअर करण्यात आला आहे. त्याला तीन लाखांहून अधिक व्ह्युज आणि हजारो लाइक्स मिळाल्या आहेत. तसेच अनेक युजर्सही यावर कमेंट्स करत आहेत. एक नेटकऱ्यानं लिहिलंय, “खूप सुंदर” तर दुसऱ्या युजरनं लिहिलंय, “खूप भावनिक क्षण.” आणखी एकानं लिहिलंय, “भावाचा प्रेम.”