Viral Video: समाजमाध्यमांवर कधी काय व्हायरल होईल हे सांगता येत नाही. यावर अगदी खेडेगावापासून ते मोठमोठ्या शहरांपर्यंत प्रत्येक ठिकाणचे व्हिडीओ, फोटो मोठ्या प्रमाणात व्हायरल होत असतात. ज्यातील काही घटना नकळतपणे शूट करून सोशल मीडियावर शेअर केल्या जातात. यापैकी काही घटना खूप थरारक असतात, तर काही व्हिडीओ पाहून आपलं मनोरंजन होतं. सध्या असाच एक व्हिडीओ सोशल मीडियावर व्हायरल होत आहे, ज्यामध्ये एक महिला असं काहीतरी करतेय जे पाहून तुम्हाला हसू येईल.
गाव असो किंवा शहर प्रत्येक ठिकाणी बस, ट्रेनमध्ये चढण्यासाठी प्रचंड चढाओढ पाहायला मिळते. बसमध्ये लवकर चढून बसण्यासाठी जागा पकडायची असते. सध्या व्हायरल होत असलेल्या व्हिडीओमध्ये एक महिला बसमध्ये चढून बसायला जागा पकडण्यासाठी असं काहीतरी करतेय, जे पाहून तुम्ही कपाळावर हात मारून घ्याल.
नक्की काय घडलं व्हिडीओमध्ये?
या व्हायरल व्हिडीओमध्ये तुम्ही पाहू शकता, बसस्थानकावर उभ्या असलेल्या बसमध्ये चढण्यासाठी लोकांची गर्दी झाली असून यावेळी एक महिला चक्क बसच्या मागच्या खिडकीतून बसमध्ये चढण्याचा प्रयत्न करतेय. या महिलेचं हे धाडस पाहून अनेक जण आश्चर्य करत आहेत.
सध्या हा व्हिडीओ इन्स्टाग्रामवरील @Ghar Ke Kalesh या अकाउंटवरून शेअर करण्यात आला आहे. त्यावर आतापर्यंत तीन लाखांहून अधिक व्ह्यूज आणि एक हजारांहून अधिक लाइक्स मिळाल्या आहेत. तसेच यावर अनेक युजर्स कमेंट्स करतानाही दिसत आहेत.
हेही वाचा: ‘मेरे पास पैसे नहीं हैं…’ हिंदी डायलॉगवर किली पॉलची जबरदस्त ॲक्टिंग; VIDEO पाहून युजर्स करतायत कौतुक
पाहा व्हिडीओ:
युजर्सच्या कमेंट्स चर्चेत
एका युजरनं कमेंटमध्ये लिहिलंय, “ही बाई नाही सुपर बाई आहे”, दुसऱ्या युजरनं लिहिलंय, “अरे ही जरा वेडी आहे का?”, तिसऱ्या युजरनं लिहिलंय, “देवा, काय सुरू आहे हे”, चौथ्या युजरनं लिहिलंय, “मेरा देश महान.”
दरम्यान, यापूर्वी देखील सोशल मीडियावर अशा प्रकारचे अनेक व्हिडीओ मोठ्या प्रमाणात व्हायरल झाले होते. ज्यात एकदा एक तरुण, तर एकदा एक वृद्ध व्यक्ती बसच्या खिडकीतून चढताना दिसले होते.
