Viral Video: बाप-लेकीचं नातं नेहमीच खूप खास समजलं जातं. बाप गरीब असो वा श्रीमंत, तो आपल्या लेकीला नेहमीच तळहाताच्या फोडाप्रमाणे जपतो. असं म्हणतात, एखाद्या मुलीवर तिच्या वडिलांएवढे प्रेम जगात कोणीच करू शकत नाही. शिवाय मुलीदेखील आपल्या वडिलांना खूप जीव लावतात. त्यांच्यासाठी अनेक गोष्टी करतात. वडील आपल्या मुलीला नेहमी सुखात ठेवण्यासाठी आणि तिची काळजी घेण्यासाठी अनेक गोष्टी करतात. आता व्हायरल होणाऱ्या व्हिडीओमध्येदेखील असंच काहीतरी पाहायला मिळत आहे, जे पाहून तुम्हीही भारावून जाल.
सोशल मीडियावर नेहमीच विविध प्रकारचे व्हिडीओ आपल्याला पाहायला मिळतात. त्यातील काही व्हिडीओंमध्ये रील्स, गाणी, डान्स अशा प्रकारचे असंख्य विषय पाहायला मिळतात; आता व्हायरल होत असलेल्या व्हिडीओतही असंच काहीतरी पाहायला मिळत आहे, जे पाहून नेटकरी अनेक कमेंट्स करताना दिसत आहेत.
या व्हायरल व्हिडीओमध्ये तुम्ही पाहू शकता, आपल्या चिमुकलीला बाईकवरून फिरायला घेऊन गेलेले बाबा तिला त्यांच्या पुढ्यात बसवतात. पण, पुढे बसल्यावर तिला काही होऊ नये म्हणून आधीच त्यांनी स्वतःचा टी-शर्ट मध्यभागी फाडलेला असतो. या फाटलेल्या भागातून मुलीचं डोकं बाहेर काढून तिला टी-शर्टबरोबर पॅक करतात, यामुळे चिमुकली गाडीवर बसल्यावर सुखरूप राहू शकते. हा व्हिडीओ सध्या सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @siddhart.singh33 या अकाउंटवरून शेअर करण्यात आला असून, या व्हिडीओला आतापर्यंत १६ मिलियनहून अधिक व्ह्युज आणि तीन लाखांहून अधिक लाइक्स मिळाल्या आहेत. तसेच यावर अनेक युजर्स कमेंट्स करतानाही दिसत आहेत.
एका युजरने लिहिलेय, “मस्त, खूप छान.” दुसऱ्या युजरने लिहिलेय, “अरे व्वा, मी पण हीच आयडिया वापरेन.” आणखी एका युजरने लिहिलेय, “देसी जुगाड.”
