Dog Viral Video: या व्हायरल व्हिडीओमध्ये तुम्ही पाहू शकता, एक मांजरीचे पिल्लू पाण्यात बुडत असून एक श्वान स्वतःचा जीव धोक्यात घालून मांजरीच्या पिल्लाला वाचवण्यासाठी पाण्यात उडी मारतो. श्वान खूप प्रामाणिक प्राणी असल्यामुळे त्यावर सर्वांचा विश्वास असतो. सोशल मीडियावर श्वानांचे अनेक व्हिडीओ व्हायरल होत असतात. ज्यात कधी ते आपल्या घरातील मालकांबरोबर मजामस्ती करताना दिसतात, तर कधी एखाद्या प्राण्यांबरोबर खेळताना किंवा भांडण करताना दिसतात. दरम्यान, आता व्हायरल होत असलेल्या व्हिडीओमध्ये श्वान असं काहीतरी करताना दिसतोय, जे पाहून नेटकरी त्याचं कौतुक करताना दिसत आहेत.
हल्ली माणुसकी माणसांपेक्षा जास्त प्राण्यांमध्ये पाहायला मिळते. अनेकदा ते माणसांची व इतर प्राण्यांचीही मदत करताना दिसतात. दरम्यान, अनेकदा तुम्ही पाहिलं असेल श्वान आणि मांजर समोरासमोर आल्यावर एकमेकांच्या अंगावर धावून येतात. पण, आता व्हायरल होत असलेल्या व्हिडीओमध्ये श्वान, मांजरीच्या पिल्लाबरोबर असं काहीतरी करताना दिसत आहे, जे पाहून तुम्हीही अवाक् व्हाल.
नक्की काय घडलं व्हिडीओमध्ये?
या व्हायरल व्हिडीओमध्ये तुम्ही पाहू शकता, एक मांजरीचे पिल्लू पाण्यात बुडत असून एक श्वान स्वतःचा जीव धोक्यात घालून मांजरीच्या पिल्लाला वाचवण्यासाठी पाण्यात उडी मारतो आणि त्याला आपल्या तोंडात पकडून काठावर घेऊन येण्याचा प्रयत्न करतो. पण, यावेळी श्वानाचा प्रयत्न अयशस्वी होतो आणि मांजरीचे पिल्लू पुन्हा पाण्यात पडते. त्यानंतर श्वान पुन्हा पाण्यात उडी मारून मांजरीच्या पिल्लाला वाचवतो. श्वानाची ही मदत पाहून नेटकरीही त्याचं कौतुक करताना दिसत आहेत.
हा व्हिडीओ इन्स्टाग्रामवरील @dog_lover_4 या अकाउंटवर शेअर करण्यात आला असून यावर आतापर्यंत जवळपास हजारो व्ह्यूज आणि हजारो लाइक्स मिळाल्या आहेत. शिवाय अनेक युजर्स या व्हिडीओवर कमेंट्स करताना दिसत आहेत. एका युजरने कमेंटमध्ये लिहिलंय की, “देवाची कृपा”, तर आणखी एका युजरने लिहिलंय की, “जो व्हिडीओ काढतोय त्याने का नाही वाचवलं?”, तर आणखी एकाने लिहिलंय की, “श्वान खरंच खूप चांगले असतात.” तर अनेक जण श्वानाचे कौतुक करताना दिसत आहेत.
पाहा व्हिडीओ:
दरम्यान, यापूर्वीदेखील श्वानांचे असे अनेक गोड व्हिडीओ सोशल मीडियावर व्हायरल झाले होते, ज्यातील एका व्हिडीओत श्वान घरातील मालकिणीच्या बाळाची काळजी घेताना दिसला होता.
