शाळेत वार्षिक परीक्षा संपली की विद्यार्थ्यांना उन्हाळी सुट्टी लागते. वर्षभरातील अभ्यासाचे ओझे विसरून या सुट्टीचा मनसोक्त आनंद कधी घेतोयं असे या शाळेतील प्रत्येक मुलांना वाटते. वार्षिक परीक्षेचा शेवटचा पेपर आणि मनात उन्हाळी सुट्टीत उशिरा उठायचे, दिवसभर खेळायचं, मामाच्या गावी जायचं ही ओढ मुलांच्या मनात निर्माण होते. तर आज सोशल मीडियावर असाच एक व्हिडीओ व्हायरल होत आहे. या व्हिडीओत एका चिमुकलीचा वार्षिक परीक्षेचा शेवटचा पेपर असतो आणि ती हा आनंद अगदी वेगळ्याच स्टाईलमध्ये व्यक्त करते.
व्हायरल व्हिडीओत तुम्ही पाहू शकता की, वार्षिक परीक्षेचा शेवटचा पेपर देऊन चिमुकली घरी येत असते. चिमुकलीच्या पाठीवर दप्तर आणि हातात बास्केट असते, तर चिमुकली इमारतीच्या शिड्यांवरून येता येता डोक्यावर बास्केट घेऊन डान्स करण्यास सुरुवात करते. जमाल कुडू हे गाणं वाजत आणि चिमुकली परीक्षा संपल्याचा आनंद व्यक्त करताना दिसते. एकदा पाहाच हा भन्नाट व्हिडीओ.
व्हिडीओ नक्की बघा…
ॲनिमल चित्रपटातील जमाल कुडू या गाण्याला प्रेक्षकांनी तुफान प्रतिसाद दिला. या गाण्यात बॉबी देओलनं डोक्यावर ग्लास ठेवून केलेली स्टेप अनेकांच्या पसंतीत उतरली. तर या सिग्नेचर स्टेप्सला फॉलो करीत अनेक युजर्सनी भन्नाट रीलसुद्धा बनवले. तर आज या चिमुकलीनेसुद्धा या गाण्यातील सिग्नेचर स्टेप हुबेहूब कॉपी करत डोक्यावर दप्तर ठेवून हा डान्स केला आहे; जो अनेकांच्या पसंतीस उतरत आहे.
परीक्षा संपली हे पाहून चिमुकलीचा आनंद गगनात मावत नाही आहे. सोशल मीडियावर हा व्हायरल व्हिडीओ @arvindchotia या एक्स (ट्विटर) अकाउंटवरून शेअर करण्यात आला आहे. नेटकरी हा व्हिडीओ पाहून, ‘परीक्षेचा किती दबाव असतो लहान मुलांना’, ‘खूप सुंदर व्हिडीओ’; तर अनेक जण शाळेतील काही आठवणी सांगताना व्हिडीओखाली कमेंट बॉक्समध्ये दिसून आले आहेत.
