Viral Video : असं म्हणतात पहिलं प्रेम हे पहिलं प्रेम असतं. त्याची जागा आयुष्यात कुणीही घेऊ शकत नाही. पहिलं प्रेम हे कधीच न विसरण्यासारखं असतं. सोशल मीडियावर प्रेमावर भाष्य करणारे किंवा प्रेमाविषयी व्यक्त होताना अनेक जण दिसतं. कविता, चारोळ्यांद्वारे अनेक जण प्रेमाविषयी बोलताना दिसतं. सध्या असाच एक व्हिडीओ व्हायरल होत आहे. या व्हिडीओमध्ये एक तरुण प्रेमावर कविता सादर करताना दिसतो. त्याची कविता ऐकून तुम्हीही भावुक व्हाल. काही लोकांना त्यांचे पहिले प्रेम आठवेन तर काही लोकांच्या डोळ्यासमोर त्यांच्या प्रियकर किंवा प्रेयसीचा चेहरा येईल. सध्या हा व्हिडीओ तुफान व्हायरल होत आहे.
तरुणाने सादर केली प्रेमावरची कविता
या व्हायरल व्हिडीओमध्ये तुम्हाला एक तरुण दिसेल. हा तरुण समोर स्टेजवर उभा राहुन प्रेमाविषयी कविता सादर करताना दिसतो. तो कविता सादर करताना म्हणतो,
“एकदा प्रेमात पडल्यावर पुन्हा पडता येत नाही
दुसऱ्या प्रेमात कधी मातीचा सुगंध येत नाही
पहिलं प्रेम हे नेहमी पहिलं असतं
फुलली लाख फुले, गंधाळले कुणीच नाही
एक त्या गुलाबानंतर मला भावले कुणीच नाही
हात मिठीत घेण्यासाठी आले लाख परंतु
एक त्या मिठीसारखे ऊबदार भासले कुणीच नाही”
त्याच्या प्रत्येक वाक्यावर इतर लोक जोरजोराने टाळ्या वाजवताना दिसतात. सध्या हा व्हिडीओ चांगलाच व्हायरल होत आहे.
पाहा व्हायरल व्हिडीओ (Watch Viral Video)
हेही वाचा : India Post Payments Bank धारकांनो सावधान! अन्यथा तुमचेही अकाउंट होईल रिकामी; टाळण्यासाठी घ्या ‘ही’ काळजी
ganeshghumare_ या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “…तिला कळावे” या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “मित्रा जुन्या आठवणी ताज्या झाल्या” तर एका युजरने लिहिलेय, “वाह दादा म्हणून बरबाद झालो आपण” आणखी एका युजरने लिहिलेय, “पहिल्या पावसाच्या सुगंधाचं काहीतरी वेगळंच असतं. पण असं नाही की दुसरा पाऊस तितकाच छान असणार नाही. आपण जुन्या पावसाच्या आठवणींमध्ये अडकून बसतो, त्याची तुलना नव्या पावसाशी करतो, आणि त्यामुळे नव्या पावसाचा आनंद घ्यायचं विसरतो.
जर जुना पाऊस इतकाच परिपूर्ण आणि चांगला असता, तर तो कायम तुमच्यावर बरसत राहिला असता. तो तुम्हाला उन्हात टाकून गेला नसता. म्हणून जे काही आपल्याला नव्याने मिळालं आहे, त्याचा आदर करा, त्याचा सुगंध अनुभवून घ्या.
मागील पावसात झालेले गाळ आठवून, या नव्या पावसाच्या सौंदर्याची किंमत गमावू नका. कारण, आयुष्य पुढे जाण्यासाठीच आहे, मागे बघत राहून चालत नाही.” अनेक युजर्सनी त्यांचे प्रेमाविषयीचे मत व्यक्त केले आहेत. काही युजर्सनी या व्हिडीओवर हार्टचे इमोजी शेअर केले आहेत.
