समुद्रात आढळणारा व्हेल मासा शांत स्वभावाचा असतो, पण कधी कधी या व्हेल माशाने रौद्र रूप धारण केलेले अनेक व्हिडीओ तुम्ही पाहिले असतील. व्हेल मासा हा समुद्रातील सर्वात मोठा मासा असल्याचे सांगितले जाते. सर्वात मोठा असल्यामुळे त्याचं नुसतं नाव जरी काढलं तरी मनात धडकी भरते. पण सध्या जो व्हिडीओ व्हायरल होतोय तो पाहून तुमच्या चेहऱ्यावर भीती नव्हे तर छोटीशी स्माईल येईल. कारण या व्हिडीओमध्ये एक व्हेल मासा मदत मागण्यासाठी स्वतःहून मच्छीमाऱ्यांकडे आलेला दिसत आहे. मग या मच्छीमाऱ्याने व्हेल माशाची मदत सुद्धा केली. पण हा व्हेल मासा मच्छीमाऱ्यांचे आभार मानण्यास मात्र विसरत नाही. या व्हिडीओमध्ये व्हेल माश्याने ज्या स्टाईलमध्ये मच्छीमाऱ्यांचे आभार मानले आहे, हे पाहण्यासारखे आहे.
सोशल मीडियावर व्हायरल होत असलेल्या व्हिडीओमध्ये एक ब्लू व्हेल मासा दोरीमध्ये अडकलेला दिसत आहे. तो मासेमारीच्या जाळ्यात अडकलेला असल्याचं दिसत आहे. दोरीमध्ये अडकलेल्या हा व्हेल मासा समुद्रात मासेमारी करणाऱ्यासाठी आलेल्या एका मच्छीमारांकडे मदतीसाठी पोहोचतो. या मच्छीमाऱ्यांकडे आपण गेल्यानंतर ते आपल्याला त्याच्या जाळ्यात अडकवणार नाही, अशी जणू या व्हेल माश्याला खात्रीच होती. दोरीत अडकलेल्या व्हेल माश्याला पाहून मच्छीमारही त्याच्या मदतीसाठी पुढे सरसावतात. हा व्हेल मासा शांतपणे त्यांच्या बोटीच्या बाजुला येऊन थांबतो. हे पाहून मच्छीमार लाकडी हुक सारख्या उपकरणाने त्या माश्याला आणखी किनाऱ्याच्या दिशेने वर खेचतो, जेणेकरून तो अडकलेल्या दोरीला सहज कापता येईल. त्यानंतर दुसऱ्या एका व्यक्तीने त्याच्या अंगाभोवती गुंडाळलेली दोरी धारदार शस्त्राने कापून टाकली.
आणखी वाचा : जगाचा अंत होण्याआधीचे ‘शेवटचे सेल्फीज’ कसे असतील? AI भविष्यवाणीच्या VIRAL VIDEO मधले फोटोज पाहा!
व्हिडीओमध्ये पाहू शकता की, व्हेल मासा अडकलेल्या दोरीला त्याच्या शरीरावरून कापल्यानंतर मच्छीमार या व्हेल माशाला तिथून मोकळं करतात. त्यानंतर हा व्हेल मासा मोकळा होऊन आनंदाने उड्या मारू मागतो. मच्छीमारांनी केलेल्या मदतीसाठी हा व्हेल मासा आभार देखील मानतो. आपण अडकलेल्या दोरीतून सुटल्यानंतर हा व्हेल मासा शेपूट हलवत आनंदाने पाण्यात जोरजोरात उड्या मारतो आणि नंतर पाण्यात निघून जातो. व्हेल माशाची ही थँक यू म्हणण्याची अनोखी पद्धत सोशल मीडियावरील नेटकऱ्यांना फार आवडली आहे.
इथे पाहा हा व्हायरल व्हिडीओ :
आणखी वाचा : कर्माचे फळ किती लवकर मिळते? गाढवाला लाथा-बुक्क्यांनी मारणाऱ्या व्यक्तीचा हा VIRAL VIDEO तुम्हाला सांगेल
हा व्हिडीओ सध्या सोशल मीडियावर वाऱ्यासारखा पसरू लागलाय. Best Of The Best Videos नावाच्या युट्यूब चॅनलवरून हा व्हिडीओ शेअर करण्यात आलाय. त्यानंतर बघता बघता हा व्हिडीओ व्हायरल देखील झाला. लोकांना हा व्हिडीओ इतका आवडू लागलाय की आतापर्यंत या व्हिडीओला १ मिलियनपेक्षा जास्त व्ह्यूज मिळाले आहेत. तर व्हेलला मदत केल्याबद्दल सोशल मीडियावरील नेटकरी मच्छिमारांचे कौतुक करत आहेत. एका युजरने लिहिले की, “सध्या या भावनेची सर्वात जास्त गरज आहे. लोक खरोखर निसर्गाला मदत करतात. मला माहीत आहे की दोरी मुद्दाम पाण्यात सोडली नसावी.”
