Viral Video: या जगात बाप आणि त्याच्या मुलांचं नातं खूप अनमोल असतं. बाप गरीब असो वा श्रीमंत, तो आपल्या मुलांना नेहमीच त्याच्या तळहाताच्या फोडाप्रमाणे जपतो. असेल त्या परिस्थितीतही तो आपल्या मुलांना काहीही कमी पडू नये यासाठी दिवस-रात्र झटतो. खरंतर अनेकदा आई आणि तिच्या मुलांवरच्या प्रेमाची तुलना इतर कोणत्याच नात्यामध्ये केली जात नाही, असं म्हटलं जातं. पण, आईप्रमाणे बापही आपल्या मुलांवर तितकेच जीवापाड प्रेम करतो. सध्या असाच एक सुंदर व्हिडीओ सोशल मीडियावर खूप व्हायरल होतोय.
समाजमाध्यमांमुळे अनेक विविध विषयांवरील आधारित व्हिडीओ आपल्याला पाहायला मिळतात, ज्यातील काही व्हिडीओ आपले मनोरंजन करतात तर काही व्हिडीओ आपला आयुष्याकडे पाहण्याचा दृष्टिकोन बदलणारे असतात. शिवाय काही नकळत शूट केलेले सुंदर व्हायरल व्हिडीओ पाहून आपण भावूक होतो. अशा विविध व्हिडीओंमध्ये आता आणखी एका सुंदर व्हिडीओची भर पडलेली आहे.
मध्यमवर्गीय माणसाची परिस्थिती त्याला खूप काही शिकवून जाते. असेल त्या परिस्थितीमध्ये आनंदी कसं राहायचं हे त्याला चांगलं माहीत असतं. आता व्हायरल होत असलेल्या व्हिडीओतील एक बाप आपल्या लहान मुलाबरोबर मेट्रोमधून जात असून यावेळी तो आपल्या मुलाबरोबर साध्या बटणांच्या फोनमध्ये फोटो काढताना दिसत आहे. यावेळी त्याला नीट फोटो काढता येत नसल्याने एक व्यक्ती त्याचा फोन हातात घेऊन फोटो काढून देण्यास मदत करतो. या व्यक्तीचा हा व्हिडीओ सध्या खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @official_vishwa_96k या अकाउंटवर शेअर करण्यात आला असून याला आतापर्यंत जवळपास हजारो व्ह्युज आणि लाइक्स मिळाल्या आहेत. शिवाय यावर अनेक युजर्स कमेंट्स करताना दिसत आहेत. तसेच या व्हिडीओवरील कॅप्शनमध्ये, ‘जे काही तुमच्याकडे आहे त्यात आनंद शोधा’, अशी सुंदर ओळ लिहिण्यात आली आहे.
