Viral Video: बॉलीवूडमधील एखादा नवीन चित्रपट चर्चेत आला की, त्यातील डायलॉग, गाणीदेखील खूप चर्चेत येतात. सोशल मीडियावरही अनेक जण त्या गाण्यांवर ठेका धरल्याशिवाय राहत नाहीत. मग ते गाणे भारतातील असो किंवा इतर कोणत्याही देशातील; त्या गाण्यावर अनेक लोक रील्स बनवितानाही दिसतात. आतापर्यंत सोशल मीडियावर अशा लाखो लोकप्रिय गाण्यांचे रील्स तयार केल्या गेल्याचे आपण पाहिले असेल. काही महिन्यांपासून एकीकडे गुलाबी साडी हे मराठी गाणे धुमाकूळ घालत आहे; तर दुसरीकडे ‘पुष्पा २’ चित्रपटातील गाणी, तसेच आता ‘इश्क विश्क प्यार व्यार’ हे हिंदी गाणेदेखील खूप चर्चेत आहे. या गाण्यावरही खूप युजर्स, अनेक कलाकार रील्स बनविताना दिसत आहेत; पण आता समोर आलेल्या व्हिडीओमध्ये इन्स्टाग्राम इन्फ्लुएन्सर किली पॉलनेदेखील या गाण्यावर डान्स केलेला दिसत आहे.
भारतातील विविध भाषांतील गाणी सोशल मीडियावर सतत चर्चेत असतात. नेहमीच भारतीय गाण्यांवर रील्स बनविणारा सुप्रसिद्ध इन्स्टाग्राम इन्फ्लुएन्सर किली पॉलनेदेखील या गाण्यावर रील बनवली आहे. त्याचा हा व्हिडीओ सोशल मीडियावर सध्या खूप व्हायरल होत आहे.
या व्हिडीओमध्ये तुम्ही पाहू शकता की, किली पॉल नेहमीप्रमाणे त्याच्या पारंपरिक वेशात ‘इश्क विश्क प्यार व्यार’ गाण्यावर डान्स करीत आहे. यावेळी त्याच्या चेहऱ्यावरील हावभाव नेहमीप्रमाणे जबरदस्त असून, डान्सची स्टेपदेखील लक्ष वेधून घेत आहे. यावेळी किली पॉल खूप सुंदर डान्स करताना दिसतोय. किली पॉलला या गाण्यावर डान्स करताना पाहून युजर्सही कमेंट्स करताना दिसत आहेत. आपला हा व्हिडीओ शेअर करीत किली पॉलने कॅप्शनमध्ये, ‘हे गाणं म्हणजे…’, असे लिहिलेले दिसत आहे.
इन्स्टाग्राम इन्फ्लुएन्सर किली पॉलचे इन्टाग्रामवर नऊ दशलक्षांहून अधिक फॉलोअर्स आहेत. तसेच या व्हिडीओवर आतापर्यंत एक मिलियनहून अधिक व्ह्यूज आणि चाळीस हजारांहून अधिक लाइक्स मिळाल्या आहेत. तसेच अनेक युजर्स यावर कमेंट्स करताना दिसत आहेत.
पाहा व्हिडीओ:
एका युजरने कमेंटमध्ये लिहिलेय, “व्वा… काय जबरदस्त डान्स केला”, तर दुसऱ्या युजरने लिहिलेय, “खूप छान डान्स”, तर आणखी एका व्यक्तीने लिहिलेय, “खूप सुंदर डान्स किली” तर आणखी एका व्यक्तीने लिहिलेय, “हा व्हिडीओ खूप व्हायरल होणार”, तसेच अनेक युजर्स किली पॉलचे कौतुक करताना दिसत आहेत.
