Viral Video: समाजमाध्यामांवर सतत नवीन गोष्टी आपल्याला पाहायला मिळतात. लोकांचे डान्स, रील्स यांच्यासोबतच प्राण्यांचे नवनवीन व्हिडीओ देखील सतत समोर येत असतात. अनेकदा प्राण्यांचे व्हिडीओ पाहून आपल्या अंगावर काटा येतो, ज्यात कधी एखादा वाघ, सिंह, बिबट्या इतर प्राण्यांची शिकार करताना दिसतात; पण काहीवेळा प्राण्यांचे व्हिडीओ देखील खूप गमतीशीर असतात. हे व्हिडीओ सोशल मीडियावर क्षणार्धात व्हायरल होतात, आतादेखील असाच एक व्हिडीओ खूप व्हायरल होतोय, ज्यात चक्क एक बिबट्या समोर असलेल्या प्राण्यांची शिकार न करता, शांत बसलेला दिसत आहे.
अनेकदा बिबट्यासारखे हिंस्त्र प्राणी आपल्या जवळच्या परिसरात फिरत असल्याची बातमी कळाली तरी लोकांचा थरकाप उडतो. या हिंस्त्र प्राण्यांना पाहिल्यावर लोकच काय तर प्राणीदेखील स्वतःचा जीव मुठीत घेऊन पळत सुटतात. पण, नुकत्याच समोर आलेल्या व्हिडीओमध्ये एक बिबट्या आरामात बसलेला दिसत आहे.
या व्हिडीओमध्ये तुम्ही पाहू शकता, एका घनदाट जंगलामध्ये एका झाडावर बिबट्या आरामात बसलेला दिसत आहे. यावेळी त्याच झाडाखाली एक कुत्रा बसलेला दिसत आहे, पण बिबट्या त्याच्याकडे पाहूनही दुर्लक्ष करतो, शिवाय बिबट्याच्या मागे काही माकडं देखील बसलेली दिसत आहे. पण बिबट्या त्यांच्याकडे देखील दुर्लक्ष करतो. बिबट्याला असं शांत पाहून सोशल मीडियावर युजर्सही त्याची खिल्ली उडवताना दिसत आहे.
या व्हिडीओ इन्स्टाग्रामवरील @ahirani.memer या अकाउन्टवर शेअर केला आहे. हा व्हिडीओ शेअर करत त्या व्यक्तीने ‘काय बिबट्या बनशील रे तू’ असं लिहिण्यात आलं आहे. या व्हिडीओवर आतापर्यंत जवळपास एक मिलियनहून अधिक व्ह्यूज मिळाल्या असून यावर आतापर्यंत सत्तावीस हजाराहून अधिक लाइक्स मिळाल्या आहेत.
या व्हिडीओवर अनेक युजर्सही कमेंट्स करताना दिसत आहेत. एका युजरने लिहिलंय की, “हा बिबट्या हाय की चीपट्या आहे”. तर दुसऱ्या युजरने लिहिलंय की, “हे बेनं एवढ्या वर कसं चढलं”. तर तिसऱ्या व्यक्तीने लिहिलंय की, “बिबट्या रात्री बदला घेणार असेल”. तर आणखी एकाने लिहिलंय की, “लाज वाटली पाहिजे बिबट्याला कुत्र्याला घाबरतो”
पाहा व्हिडीओ:
दरम्यान, यापूर्वी देखील अशाप्रकारचा एक व्हिडीओ व्हायरल झाला होता; ज्यामध्ये एक वाघ निवांत बसलेला दिसत होता. त्यावेळी एका जंगली कुत्र्याने त्याला खून्नस दिली होती, तरीही तो जागचा हलला नव्हता.
