Viral Video: प्राण्यांचे व्हायरल होणारे विविध व्हिडीओ सोशल मीडियावर खूप चर्चेत येत असतात. त्यामध्ये जंगलातील कधीही न पाहिलेले प्राण्यांचे थरारक व्हिडीओ; तर कधी प्राण्यांचे मजेशीर व्हिडीओ आपल्याला पाहायला मिळतात. माणसांप्रमाणेच प्राणीदेखील आपली भूक भागविण्यासाठी काही ना काहीतरी प्रयत्न करीत असतात. अनेकदा जंगलातील वाघ, सिंह, बिबट्या यांसारखे प्राणीदेखील भूक भागविण्यासाठी एखाद्या प्राण्याची शिकार करताना दिसतात. पण, हल्ली जंगलांची संख्या कमी झाल्यामुळे जंगलातील प्राणी मानवी वस्तीतही शिरकाव करतात. या व्हिडीओत अशीच एक घटना पाहायला मिळत आहे.
प्राणी असो किंवा माणूस दोघांची आयुष्य जगण्याची पद्धत जरी वेगळी असली तरीही या दोन्ही सजीवांमध्ये पोट भरणे ही एक गोष्ट खूप महत्त्वाची आहे. त्यासाठी ते आपापल्या परीने प्रयत्न करताना दिसतात. आजवर तुम्ही अनेक व्हिडीओ पाहिले असतील, ज्यामध्ये हिंस्र प्राणी इतर प्राण्यांची शिकार करताना दिसले असतील. आता व्हायरल होत असलेल्या व्हिडीओतही अशीच एक घटना मानवी वस्तीमध्ये घडल्याचे दिसत आहे.
वाघ, सिंह, बिबट्या यांसारखे हिंस्र प्राणी अनेकदा मानवी वस्त्यांमध्ये शिरकाव करून, तेथील माणसे किंवा श्वान, शेळी अशा प्राण्यांवर हल्ला करतात. शिकार करण्यासाठी ते रात्रीची वेळ निवडतात. आता व्हायरल व्हिडीओतही एका बिबट्याने अशीच युक्ती आखून शिकार केल्याचे दिसत आहे. या व्हिडीओत तुम्ही पाहू शकता की, रात्रीच्या वेळी घराबाहेर घरमालक आणि श्वान, असे दोघे झोपलेले आहेत. त्यावेळी एक बिबट्या तिथे येतो. मग श्वानाला पाहून, तो हळूहळू त्याच्याजवळ येऊन संधी साधतो आणि त्याला जबड्यात पकडून घेऊन जातो. यावेळी श्वानाच्या ओरडण्याचा आवाज ऐकू येताच घरमालक जागा होतो आणि बिबट्याचा पाठलाग करतो.
हा व्हिडीओ इन्स्टाग्रामवरील @digital_akshay1234 या अकाउंटवरून शेअर करण्यात आला आहे. त्यावर आतापर्यंत जवळपास लाखो व्ह्युज आणि अनेक लाइक्सही मिळाल्या आहेत. नेटकरीदेखील त्यावर अनेक कमेंट्स करताना दिसत आहेत.
पाहा व्हिडीओ:
एका युजरने लिहिलेय, “किती जिगर म्हणावी लागेल, कुत्र्यासाठी झोपेतून उठून लगेच पाठलाग केला. हे फक्त शेतकरी करू शकतात”. दुसऱ्याने लिहिलेय, “शेतात घर बांधून राहताच का?” तिसऱ्या एकाने लिहिलेय, “कुत्र्यांच्या गळ्यात खिळे असलेले पट्टे बसवा. बिबट्या डायरेक्ट नरड्यावर हल्ला करत असतो.” आणखी एकाने लिहिलेय, “बर झालं मालक अंगावर घेऊन झोपलेला होता… बिबट्याला दिसला नाही.”
