Viral Video: लहान मुलं जेवढी निरागस असतात तितकीच ती खोडकरही असतात, त्यामुळे ते नकळत कधी काय करतील याचा अंदाज लावणं खूप कठीण आहे. त्यांना आपण काय करतोय आणि हे केल्यानंतर पुढे काय होईल याची कल्पना नसते. त्यामुळेच बऱ्याचदा आई-वडिलांच्या नकळत ते अशा काही गोष्टी करतात, ज्यामुळे संपूर्ण कुटुंबाला त्याचा त्रास सहन करावा लागतो. ज्यात कधी नकळत तोंडात पैसे घालणे, तर कधी खाण्यायोग्य नसलेल्या गोष्टी आई-वडिलांच्या नकळत खाणे, खेळत खेळत दुर्घटना होईल अशा ठिकाणी जाणे; अशा घटनांमध्ये अनेकदा चिमुकल्यांना आपला जीवदेखील गमवावा लागतो. सध्या अशाच प्रकारचा एक व्हिडीओ खूप व्हायरल होतोय, जो पाहून काही क्षण तुमचाही थरकाप उडेल.
सोशल मीडियावर सतत विविध व्हिडीओ व्हायरल होताना दिसतात, ज्यात कधी धडकी भरवणारे व्हिडीओ पाहायला मिळतात, तर कधी आपल्या चेहऱ्यावर हसू आणणारे व्हिडीओ पाहायला मिळतात. तसेच बऱ्याचदा यावर असे काही व्हिडीओ व्हायरल होतात, ज्यात नकळत घडलेल्या गोष्टी आपल्याला पाहायला मिळतात. सध्या अशाच दोन लहान चिमुकल्यांचा व्हिडीओ सोशल मीडियावर खूप व्हायरल होतोय, ज्यात असं काहीतरी होतं जे पाहून नेटकरी अवाक् झाले आहेत.
काय घडलं व्हिडीओमध्ये?
या व्हायरल व्हिडीओमध्ये तुम्ही पाहू शकता, एका घरातील हौदाच्या कट्ट्यावर दोन लहान मुलं खेळत असून त्यातील एक चिमुकली पाण्यात पडते. पाण्यात पडलेल्या चिमुकलीला पाहून कट्ट्याच्या बाजूला बसलेला चिमुकला मोठमोठ्याने रडू लागतो. त्याच्या रडण्याचा आवाज ऐकून त्याचे बाबा धावत येतात आणि पाण्यात पडलेल्या चिमुकलीला सुखरूप बाहेर काढतात. क्षणाचाही विलंब झाला असता तर त्या बाळाच्या जीवाला मोठा धोका निर्माण झाला असता. सध्या हा व्हिडीओ सोशल मीडियावर मोठ्या प्रमाणात व्हायरल होत आहे.
हा व्हिडीओ इन्स्टाग्रामवरील @enamul___hoqe या अकाउंटवरून शेअर करण्यात आला असून या व्हिडीओला आतापर्यंत ४० हजारांहून अधिक व्ह्यूज मिळाल्या असून यावर हजारो लाइक्सही मिळाल्या आहेत. तसेच यावर अनेक युजर्स कमेंट्स करतानाही दिसत आहेत.
पाहा व्हिडीओ:
युजर्सच्या कमेंट्स चर्चेत
एका युजरने कमेंटमध्ये लिहिलेय, “नशीब चांगलं आहे त्याचं म्हणून”, तर दुसऱ्या युजरने लिहिलेय, “बाबा सुपर हिरोसारखे धावले”, तर तिसऱ्या व्यक्तीने लिहिलेय, “लहान मुलांवर लक्ष ठेवायला हवं.”
