‘ती बाई आहे, हमाल नाही…’ वृद्ध व्यक्तीकडून पत्नीला कुदळीने मारहाण… VIDEO पाहून नेटकरी म्हणाले, “याला नरकात…”

नातं कुठलंही असो, पण त्यामध्ये रागावर नियंत्रण ठेवता आलं पाहिजे. परंतु, अनेक जण रागात समोरच्या व्यक्तीवर हात उचलतात, ज्यामुळे नातं अधिक कमकुवत होतं. सोशल मीडियावर कधी पालकांना, मुलांना मारहाण केल्याचे किंवा पती-पत्नीमध्ये झालेल्या मारहाणीचे व्हिडीओ तुम्ही अनेकदा पाहिले असतील. आता समोर आलेल्या व्हिडीओतील एक वृद्ध व्यक्ती त्याच्या पत्नीला शेतामध्ये कुदळीने माराहाण करताना दिसत आहे. त्यांचा हा व्हिडीओ सध्या सोशल मीडियावर खूप व्हायरल होत आहे.

या व्हायरल व्हिडीओमध्ये तुम्ही पाहू शकता, एका वृद्ध जोडप्यामध्ये कोणत्यातरी कारणावरून शेतामध्ये काम करत असताना वाद सुरू होतो, ज्यावर चिडून वृद्ध पती त्याच्या पत्नीला हातातील कुदळीने मारहाण करतो. त्याचा हा व्हिडीओ सध्या सोशल मीडियावर खूप व्हायरल होत आहे.

हा व्हिडीओ इन्स्टाग्रामवरील @agricalture_wishw या अकाउंटवर शेअर करण्यात आला असून याला चार लाखांहून अधिक व्ह्युज आणि हजारो लाईक्स मिळाल्या आहेत. तसेच यावर अनेक युजर्स कमेंट्स करताना दिसत आहेत.

पाहा व्हिडीओ:

View this post on Instagram

A post shared by Agricalture विश्व (@agricalture_wishw)

एका युजरने कमेंटमध्ये लिहिलंय की, “कुठं फेडशील हे पाप, आदर करायला शिक, स्त्री ही घरची लक्ष्मी असते”, तर दुसऱ्याने लिहिलंय की, “नरकात जागा भेटणार नाही त्या म्हातार्‍याला..” तर तिसऱ्या युजरने लिहिलंय की, “व्हिडीओ काढणाऱ्याला कुत्र्यासारखं मारलं पाहिजे, तिला वाचवायचं सोडून व्हिडीओ काढतोय”, तर आणखी एकाने लिहिलंय की, “ती बाई आहे, तुझी हमाल नाही.”