Viral Video: लग्न म्हटलं की, मजामस्ती, नाच-गाणी, धिंगाणा पाहायला मिळतोच. लग्नातील विविध प्रथांमध्ये खूप गमतीशीर गोष्टी पाहायला मिळतात. त्याशिवाय लग्नात कधी काय घडेल हेदेखील सांगता येत नाही. लग्नात हार घालण्यावरूनही अनेकदा गोंधळ उडतो; तर कधी नवऱ्या मुलाचे बूट चोरण्यावरूनही राडा झालेला पाहायला मिळतो. अशी मजा-मस्ती करण्यामागे अनेकदा नवरदेवापेक्षा त्याचे मित्रच जास्त उत्साही असतात. अनेकदा हे मित्र आपल्या नवरदेव मित्राची त्याच्या भावी पत्नीसमोर कशी मजा घेता येईल, यासाठी पुरेपूर प्रयत्न करताना दिसतात. तसेच काही मित्र आपल्या नवरदेव मित्रासाठी खास डान्सदेखील करतात. आता अशाच एका लग्नातील मजेशीर व्हिडीओ खूप व्हायरल होतोय, ज्यात नवरदेवाचे मित्र गुलाबी साडी गाण्यावर डान्स करताना दिसत आहेत.
सोशल मीडियावर लग्नसोहळ्यातील अनेक व्हिडीओ आपल्या नजरेस पडतात; ज्यात अनेकदा नवऱ्याचे मित्र हटके गिफ्ट देताना दिसतात, तर कधी लग्न सुरू असताना विचित्र विनोद करताना दिसतात. दरम्यान, आता व्हायरल होणाऱ्या व्हिडीओमध्ये नवरदेवाच्या मित्रांचा डान्स तुफान व्हायरल होत आहे.
या व्हायरल व्हिडीओमध्ये एका मारवाडी लग्नामध्ये हळदीचा कार्यक्रम सुरू असलेल्या ठिकाणी अनेक पाहुणे उपस्थित आहेत. यावेळी अचानक नवरदेवाच्या मित्रांची एंट्री होते. हे मित्र पांढऱ्या रंगाचे कपडे घालून डोक्यावर गुलाबी ओढणी घेऊन येतात, तेवढ्यात गुलाबी साडी हे गाणं सुरू होतं आणि ते मित्र त्या नाचत नाचत स्टेजवर जाऊन सुंदर डान्स करतात. या सगळ्यांचा डान्स पाहून लग्नात उपस्थित असलेली मंडळी त्यांच्याकडे कौतुकाने पाहतात आणि त्यांचा व्हिडीओ काढतात, तसेच काही लोक त्यांच्याकडे पाहून हसतात. हा व्हिडीओ सध्या सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @mitalis_dance या अकाउंटवर शेअर करण्यात आला आहे. या व्हिडीओला आतापर्यंत दोन दशलक्षांहून अधिक व्ह्युज आणि हजारो लाइक्स मिळाल्या आहेत. व्हिडीओवर अनेक युजर्स कमेंट्स करताना दिसत आहेत. एका युजरने कमेंटमध्ये लिहिलंय, “आमची मुलं कमी नाहीत”. दुसऱ्या युजरनं लिहिलंय, “मीदेखील माझ्या मित्रांसोबत असाच डान्स करणार”. तिसऱ्या व्यक्तीनं लिहिलंय, “खूप छान व्हिडीओ”. आणखी एका व्यक्तीनं लिहिलं, “मित्र असावे तर असे.”