Viral Video: कुत्रा आणि मांजर हे अनेकांचे आवडते प्राणी आहेत. त्यांच्या या पाळीव प्राण्यांवर लोकांचे जीवापाड प्रेम असते. या पाळीव प्राण्यांना अनेकदा घरातील इतर सदस्यांपेक्षाही उत्तम वागणूक दिली जाते. त्यांची आवड-निवड पूर्ण केली जाते. हल्ली या दोन्ही प्राण्यांचे वाढदिवसदेखील आवडीने साजरे केले जातात, अशा अनेक कौतुक सोहळ्यांचे व्हिडीओ सोशल मीडियावर खूप व्हायरल होतात; शिवाय या लाडक्या प्राण्यांचे त्यांच्या घरातील अनेक मजेशीर व्हिडीओदेखील समाजमाध्यमांवर खूप व्हायरल होत असतात. आता असाच एक व्हिडीओ खूप व्हायरल होतोय, जो पाहून तुम्हीदेखील पोट धरून हसाल.
प्राणीदेखील माणसांप्रमाणेच खूप हुशार असतात. त्यांना त्यांचे आवडते पदार्थ, आवडीच्या पदार्थांचा गंध लगेच ओळखता येतो. घरात एखादा पदार्थ बनवला तरी यांना सर्वात आधी ते कळतं. या व्हायरल व्हिडीओमध्येही असंच काहीतरी होत असल्याचं दिसत आहे, जे पाहून तुम्हीही मोठमोठ्याने हसाल.
हा व्हायरल व्हिडीओ इन्स्टाग्रामवरील @beautiful.videos.views या अकाउंटवर शेअर करण्यात आला आहे. या व्हिडीओमध्ये तुम्ही पाहू शकता, कुत्रा जेवायला बसला असून त्याच्या डोळ्यांवर पट्टी बांधण्यात आली आहे. शिवाय यावेळी त्याची मालकीण त्याच्या नाकासमोर चिकन ठेवत आहे, जेणेकरून चिकनच्या वासाने त्याला वाटेल की तो चिकन खातोय, पण प्रत्यक्षात त्याची मालकीण चिकनऐवजी त्याला ब्रोकली खाऊ घालत आहे. हा मजेशीर व्हिडीओ सध्या खूप चर्चेत असून यावर नेटकरी खूप हसत आहेत.
हा व्हिडीओ सध्या सोशल मीडियावर खूप व्हायरल होत असून, त्यावर युजर्सही अनेक गमतीशीर कमेंट्स करताना दिसत आहेत. एकानं लिहिलंय, “मालकीण त्याच्यासोबत चिटिंग करत आहे”, तर दुसऱ्याने लिहिलंय की, “हे अजिबात हसण्यासारखे नाही”, तर आणखी एकानं लिहिलंय, “किती मोठा धोका आहे हा त्याच्यासोबत.” या व्हिडीओला आतापर्यंत जवळपास दीड लाखांहून अधिक व्ह्यूज मिळाल्या असून, अनेक लाइक्सदेखील मिळाल्या आहेत.
व्हिडीओ पाहण्यासाठी खालील फोटोवर क्लीक करा
दरम्यान, यापूर्वीदेखील एका कुत्र्याचा असाच एक व्हिडीओ व्हायरल झाला होता, ज्यामध्ये त्याच्या मालकिणीने चिकनचा तुकडा दाखवल्यावर तो डान्स करत होता, तर आणखी एका व्हायरल व्हिडीओमध्ये कुत्रा चक्क पावसात भिजण्याचा आनंद लुटत असल्याचे दिसत होते. तो व्हिडीओही खूप चर्चेत होता.