Viral Video : नीरज चोप्राच्या एका कृतीने पुन्हा जिंकली देशवासीयांची मने; सोशल मीडियावर होतोय कौतुकाचा वर्षाव

स्टॉकहोम डायमंड लीगमध्ये नीरज चोप्राने रौप्य पदक जिंकले होते. यासह त्याने एका महिन्यात दुसऱ्यांदा स्वत:चा राष्ट्रीय विक्रम मोडत नवा राष्ट्रीय विक्रम केला आहे. पण यापेक्षाही त्याच्या संस्कारांचीच जास्त चर्चा होत आहे. वास्तविक, त्याच्याशी संबंधित एक व्हिडीओ सध्या सोशल मीडियावर मोठ्या प्रमाणात व्हायरल होत आहे. या व्हिडीओमध्ये तो त्याच्या एका चाहत्याच्या पायाला स्पर्श करताना दिसत आहे.

या व्हिडीओमधील नीरज चोप्राची विनम्रता आणि त्याचा सुसंस्कृतपणा पाहून प्रत्येकजण त्याचा फॅन झाला आहे. या व्हिडीओमध्ये आपण पाहू शकतो की नीरज आपल्या चाहत्यांशी बोलत आहे. दरम्यान, तो त्यांच्यासोबत फोटोही काढत आहे. यानंतर त्यांचा निरोप घेताना नीरज त्यांच्यातील एका वृद्ध चाहत्याच्या पाया पडतो.

Viral : Zomato ने ट्विटरवर विचारला ‘हा’ प्रश्न’; नेटकऱ्यांची भन्नाट उत्तरं पाहून तुम्हालाही आवरणार नाही हसू

आपण या व्हिडीओमध्ये पाहू शकतो की जेव्हा नीरज चोप्रा एका वृद्ध चाहत्याच्या पायाला स्पर्श करून निघून जातो तेव्हा एका चाहत्याने त्यांचे कौतुक केले आणि ‘सो डाउन टू अर्थ’ म्हटले. हा व्हिडीओ सोशल मीडियावर मोठ्या प्रमाणात व्हायरल होत आहे. नीरज चोप्राने आपल्या नम्रतेने लोकांची मने जिंकली आहेत. आतापर्यंत हा व्हिडीओ अडीच लाखांहून अधिक वेळा पाहिला गेला आहे.