स्केटबोर्डवर कौशल्ये दाखवण्यासाठी खूप सराव करावा लागतो. परदेशात लहानपणापासूनच मुलांना या कलेचे प्रशिक्षण दिले जाते. पण जर कुत्रा स्केटबोर्डवर कारनामे करत असेल तर ते सामान्य नाही. सध्या अशाच एका कुत्र्याचा स्केटिंग करतानाचा व्हिडीओ सोशल मीडियावर व्हायरल होत आहे.
खरे तर कुत्रा हा सर्वात बुद्धिमान प्राणी मानला जातो. त्याला काहीही शिकवा, तो खूप लवकर शिकतो आणि कोणतीही चूक न करता त्याची पुनरावृत्ती करण्यास सक्षम असतो. हा कुत्राही काही वेगळा नाही. ज्या आत्मविश्वासाने तो स्केट बोर्डवर चढत आहे, त्यावरून या कुत्र्यापेक्षा कोणीही श्रेष्ठ नाही याची खात्री पटते.
व्हायरल होत असलेल्या व्हिडीओमध्ये तुम्ही पाहू शकता की कुत्रा प्रथम आजूबाजूला पाहतो आणि नंतर हळू हळू स्केटबोर्डवर चढतो. तो न पडता शिडीवरून लोळत खाली येतो. मग स्केटिंग करत तो खूप पुढे निघून जातो. स्केटबोर्डला पुढे नेण्यासाठी सामान्यतः लोकांना पाय जमिनीवर ठेवून धक्का देतात, परंतु कुत्रा असे काहीही करत नाही. तो मस्त मजेत स्केटबोर्डवर चढून आरामात पुढे पळत आहे.
गाडीत बसलेल्या प्रवाशांना उतरवायची अनोखी पध्दत पाहिली का? पाहा Viral Video
कुत्र्याला त्या स्केटबोर्डवर स्केटिंग करणे इतके आवडते की तो त्यावरून खूप दूर जातो. आयएएस अधिकारी डॉ एमव्ही राव यांनी त्यांच्या ट्विटर हँडलवर शेअर केलेला हा व्हिडीओ खूपच मजेदार आहे. त्यांनी या व्हिडीओच्या कॅप्शनमध्ये लिहिले आहे, ‘ये रहे मेरे स्केटिंग गुरु’. हा व्हिडीओ आतापर्यंत हजारो लोकांनी पाहिला आहे. याला अनेकांनी पसंतीही दिली आहे आणि कमेंट करून कुत्र्याच्या टॅलेंटचे कौतुकही केले आहे.
