सोशल मीडियावर अनेक व्हिडीओ व्हायरल होत असतात. असाच एक उत्तर प्रदेशच्या कानपूरमधील एक व्हिडीओ सध्या व्हायरल होत आहे. या व्हिडीओमध्ये एक तरुण मुलगा बुरखा घातलेला दिसत आहे. हा मुलगा चक्क गर्लफ्रेण्डला भेटायला बुरखा घालून आला होता, मात्र पुढे याच्यासोबत जे झाले ते वाचून तुम्हालाही आश्चर्य वाटेल.
कानपूरच्या घाटमपूर येथे एक तरुण बुरखा घालून फिरत होता. लोकांना त्याची वागणूक संशयास्पद वाटली, त्यामुळे त्याला चोर समजून थेट पोलिसांच्या ताब्यात दिले. मात्र जेव्हा पोलिसांनी त्याची विचारपूस केली तेव्हा या तरुणाने आपण चोर नसल्याचे सांगितले. गर्लफ्रेण्डला भेटण्यासाठी बुरखा घातला होता, असेही तो म्हणाला.
हेही वाचा : Viral Video : भर लग्नात नवरदेवाच्या समोर नवरीने गुटखा खाल्ला अन्…
या तरुणाचे नाव अन्सार खान असून तो औरेया येथील रहिवासी आहे. गर्लफ्रेण्डला भेटण्यासाठी तो कानपूरला आला होता. या ठिकाणी त्याच्या चुलत भावाचे सासर आहे, त्यामुळे आपल्याला कोणी ओळखू नये म्हणून त्याने बुरखा घातल्याचे पोलिसांनी माध्यमांशी बोलताना सांगितले.
हेही वाचा : चिमुकली उचलते चक्क ६० किलोचं वजन, नेटकरी म्हणतात, “ही तर दुसरी मीराबाई चानू”
सध्या सोशल मीडियावर हे प्रकरण चांगलचं चर्चेत आहे. व्हिडीओवर नेटकरी वेगवेगळ्या प्रतिक्रिया देत आहे. याआधीही गर्लफ्रेण्डला भेटण्यासाठी तडजोड करणाऱ्या तरुणांचे असे बरेच व्हिडीओ व्हायरल झाले आहेत.
