Viral Video: जीवावर बेतणार इतक्यात…, नौसेनेच्या माजी कमांडोने तरुणाला मरणाच्या दारातून ‘असं’ आणलं परत

आजकाल सोशल मीडियावर ‘हिडन जेम्स’ने प्रसिद्ध असलेली ठिकाणंही पर्यटकांना कळू लागली आहेत. त्यामुळे अशी ठिकाणं अडचणीत असली तरीही पर्यटक निसर्गाचा आनंद घेण्यासाठी तिथे जाण्याचा धोका पत्करतात. अशा ठिकाणी गेल्यावर अचानक झालेल्या अतिवृष्टीमुळे, वादळी वाऱ्यामुळे किंवा दुसऱ्या काही कारणांमुळे पर्यटक अडचणीत सापडण्याची शक्यता असते आणि यामुळे काही जण तर आपला जीवदेखील गमावतात.

आणखी वाचा

“मी गोमांस खातो, काय माझं वाकडं करायचं ते करा” उद्धव ठाकरेंनी दिली जाहीर कबुली? या खोट्या VIDEO ची खरी बाजू पाहा

Sushma Andhare : “माझी प्रिय भावजय” म्हणत सुषमा…

गावच्या महिलेचा ट्रेंडिंग गाण्यावर तुफान डान्स; मारल्या अशा स्टेप की VIDEO पाहून पोट दुखेपर्यंत हसाल

अभिनेता हेमंत ढोमेच्या कुटुंबात आली नवीन सदस्य, नाव आहे खूपच खास

Sanjay Bangar Son: भारताच्या माजी क्रिकेटपटूच्या मुलाची हार्माेन रिप्लेसमेंट थेरपी, आर्यनने नावही बदललं, VIDEO केला शेअर

पुणे : एटीएममधून रोकड चोरणाऱ्या चोरट्याला पकडले; सुरक्षारक्षक, वाहतूक पोलिसांची तत्परता

Bluetooth 6.0 लेटेस्ट व्हर्जन, ऑडिओ, व्हिडीओ ते डॉक्युमेंट्स शेअर करण्याची असणार सोय; कोणत्या फोन, डिव्हाईसमध्ये चालेल?

प्रेमासाठी काय पण! एका बॉयफ्रेंडसाठी दोन तरुणींचा झिंज्या उपटत तुफान राडा; VIDEO पाहून व्हाल हैराण

अशाप्रकारचाच एक व्हिडीओ सध्या सोशल मीडियावर व्हायरल होतोय. पण, हा पर्यटक मज्जा म्हणून पाण्यात पोहायला गेला की अनावधानाने पडला हे अजूनही अनिश्चित आहे.

हेही वाचा… Viral Video: बहिणीबरोबर शाळेत गेलेला ४ वर्षांचा चिमुकला घरी परतलाच नाही; शिक्षकांच्या निष्काळजीपणामुळे घडलं ‘असं’ काही…

व्हायरल झालेल्या या व्हिडीओत एक माणूस बुडत असताना एक माजी नौसेनेचे कमांडो त्याच्या मदतीला धावून येतात आणि त्याचा जीव वाचवतात.

व्हायरल व्हिडीओ (VIRAL VIDEO)

व्हायरल व्हिडीओमध्ये (Viral Video) आपण पाहू शकतो की, युपीच्या गाझियाबाद जिल्ह्यातील इंदिरापूरममध्ये बुडणाऱ्या माणसाला वाचवण्यासाठी माजी नौसेनेचे कमांडो धनवीर सिंग नेगी यांनी कालव्यात उडी मारली.

माहितीनुसार, मिलन विहार अभयखंडचे रहिवासी आणि नेव्हीचे माजी कमांडो धनवीर सिंग सोमवारी दुपारी ४:१५ च्या सुमारास नोएडा कार्यालयातून घरी परतत होते. परतताना वाटेत गौर ग्रीन या ठिकाणी त्यांना कालव्याजवळ काही लोकांची गर्दी दिसली. हे पाहताच ते तिथेच थांबले आणि त्यांनी पाहिलं की, एक युवक कालव्यात बुडत असताना त्याचे वडील आपल्या मुलाला वाचवण्यासाठी मदतीची याचना करत होते. परिस्थितीचा अंदाज घेत, वेळ न दवडता धनवीर यांनी तरुणाला वाचवण्यासाठी कालव्यात उडी घेतली.

लाइव्ह हिंदुस्तानच्या रिपोर्टनुसार, तरुणाला कालव्यातून बाहेर काढल्यानंतर धनवीर सिंहने सीपीआर करून त्याच्या पोटातील पाणी काढले. त्यानंतर तरुणाला रुग्णालयात नेण्यात आले. पोलिस तरुणाची माहिती गोळा करण्याचा प्रयत्न करत आहेत.

हेही वाचा… Viral Video: काळ आला होता पण वेळ आली नव्हती; १ सेकंदाच्या प्रसंगावधनाने बचावला जीव, वादळी-वाऱ्याने उडालं छप्पर अन्…

धनवीर यांनी सांगितलं की, ते त्या तरुणाला ओळखत नाहीत आणि तो तरुण चुकून कालव्यात पडला की त्याने मुद्दाम उडी मारली होती हेही त्यांना माहीत नाही. रिपोर्ट्सनुसार कालव्यात उडी मारताना नौसेनेचे कमांडो जखमी झाले.

धनवीर सिंह चालवतात खाजगी प्रशिक्षण केंद्र

धनवीर हे एक खाजगी प्रशिक्षण केंद्र चालवतात, जिथे ते मर्चंट नेव्हीसाठी सुमारे २०० मुलांना प्रशिक्षण देतात. स्थानिक नगरसेवकाने धनवीर यांच्या वीर कृत्याबद्दल त्यांचे आभार मानले असून पुढील महिन्यात स्वातंत्र्यदिनी त्यांचा सत्कार करण्याची घोषणा केली आहे.