Viral Video: सोशल मीडियावर दर दुसऱ्या दिवशी अनोखे व्हिडीओ व्हायरल होत असतात. त्यातले काही व्हिडीओ आपल्याला अगदी मजेशीर वाटतात, जे आपल्या कायमचे लक्षात राहतात. या डिजिटल युगात एखादी बाब व्हायरल व्हायला जास्त वेळ लागत नाही.
अगदी लहानग्यांपासून ते वयोवृद्धांपर्यंत अनेक जण या सोशल मीडियावर रील्स करताना आपण अनेकदा पाहतो. सध्या असाच एक अनोखा व्हिडीओ सोशल मीडियावर व्हायरल होतोय; ज्यात एक माणूस जगावेगळं करायला निघाला आहे.
व्हायरल व्हिडीओ
व्हायरल झालेला हा व्हिडीओ पाहून अनेकांना आपलं हसू आवरलंच नाही. या व्हिडीओत एक माणूस काहीतरी वेगळंच करण्याच्या प्रयत्नात दिसतोय. हा माणूस सरकत्या जिन्यांवर (एस्केलेटरवर) चढताना दिसत आहे. पण यामध्ये काय चुकीचं आहे, असा प्रश्न तुम्हाला पडला असेल. तर यात वेगळेपण असं की, खाली उतरणाऱ्या जिन्यावरून हा माणूस वर जाण्याचा प्रयत्न करीत आहे; पण कितीही प्रयत्न करूनही तो सरकत्या जिन्यांवरून वर जाण्यात अपयशीच ठरला
यातील लक्ष वेधून घेणारी आणखी एक गोष्ट म्हणजे या खाली येणाऱ्या सरकत्या जिन्याच्या बाजूला वर जाण्याचा जिनादेखील आहे; पण तरीही हा माणूस आपल्याच धुंदीत खाली उतरणाऱ्या जिन्यांवरून वर जाण्याचा प्रयत्न करताना दिसतोय. हा माणूस हे मस्करीत करतोय की त्याला खरंच कळत नाहीय हे अजूनही अस्पष्टच आहे.
हा व्हिडीओ @altu.faltu या इन्स्टाग्राम अकाउंटवरून शेअर करण्यात आला असून, याला ‘पॉवर ऑफ देसी’, अशी कॅप्शन देण्यात आली आहे. या व्हिडीओला एक लाखापेक्षा जास्त व्ह्युज आले आहेत.
युजर्सच्या प्रतिक्रिया
हा व्हिडीओ व्हायरल होताच अनेकांनी आपापल्या प्रतिक्रिया शेअर केल्या आहेत. एका युजरने कमेंट करीत लिहिलं, “कितने तेजस्वी लोग है हमारे यहाँ!” तर दुसऱ्याने कमेंट केली, “स्वॅगच वेगळा आहे.” तर तिसऱ्यानं कमेंट करीत लिहिलं, “जेव्हा तो वर पोहोचेल तेव्हा सांगा.”
दरम्यान, याआधीही सोशल मीडियावर असे अनेक व्हिडीओ व्हायरल झाले आहेत. यापूर्वीही दोन महिलांचा एस्केलेटरवर चढतानाचा व्हिडीओ व्हायरल झाला होता. त्यामध्ये एका रेल्वेस्थानकावर दोन महिला स्वतःसह एका लहान मुलाचा जीव धोक्यात घालताना दिसल्या होत्या.
