Viral Video : आपल्या देशात सर्वात जास्त लोक ट्रेननी प्रवास करतात. सरकार रेल्वेच्या माध्यमातून प्रवाशांना नवनवीन सुविधा देत असतात पण अनेकदा अशा घटना समोर येतात की लोकं संताप व्यक्त करतात. सोशल मीडियावर रेल्वेतील अनेक व्हिडीओ व्हायरल होत असतात. सध्या सोशल मीडियावर असाच एक व्हिडीओ व्हायरल होत आहे. या व्हिडीओमध्ये एक उंदीर एसी कोचमध्ये फिरत असल्याचे फिरत आहे. भुवनेश्वर जुनागड एक्स्प्रेसच्या एसी डब्यात प्रवास करणाऱ्या एका महिलेने हा व्हिडीओ शेअर केला आहे. व्हिडीओ पाहून कोणीही संताप व्यक्त करेन.
व्हायरल व्हिडीओ
या व्हायरल व्हिडीओमध्ये तुम्हाला दिसेल की एक उंदीर रेल्वेच्या एसी कोचमध्ये फिरताना दिसत आहे.एका महिलेने उंदीर फिरतानाचा व्हिडीओ सोशल मीडियावर शेअर केला आहे. जस्मिता पाटी असे या महिलेचे नाव आहे. Jasmita Pati या एक्स अकाउंटवरून शेअर करण्यात आला असून या व्हिडीओच्या कॅप्शनमध्ये लिहिलेय, “या रेल्वे प्रवासादरम्यान उंदीर इकडे तिकडे वागणार आणि स्वच्छता पाहून भयानक अवस्था पाहून मला धक्का बसला.यावर त्वरीत पाऊल उचलण्याची गरज आहे.” या पोस्टमध्ये या महिलेने रेल्वे मंत्रालय, मध्ये रेल्वे आणि रेल्वे सेवेच्या अधिकृत अकाउंटला टॅग केले आहे.
हेही वाचा : Ellyse Perry Video : काळी साडी अन् कानात झुमके; एलिस पेरीचा झकास डान्स पाहून चाहते घायाळ, व्हिडीओ व्हायरल
महिलेच्या या व्हिडीओवर रेल्वे सेवाच्या अधिकृत अकाउंटवरून प्रतिक्रिया आली आहे. रेल्वे सेवाने आवश्यक कारवाईसाठी विभागीय रेल्वे व्यवस्थापकांना टॅग केले आहे. महिलेने तिचा पीएनआर नंबर, नाव, क्लास आणि सविस्तर माहिती सांगितली आहे. त्यानंतर रेल्वे सेवाने या महिलेची तक्रार नोंदवली असल्याचे सांगितले आहे.
या व्हिडीओवर अनेक युजर्सनी संताप व्यक्त केला आहे. यापूर्वीही रेल्वेचे असे अनेक व्हिडीओ व्हायरल झाले आहे. काही दिवसांपूर्वी काही प्रवाशांना चक्क रेल्वेच्या शौचालयात उभं राहून प्रवास करावा लागला होता. व्हायरल व्हिडीओत रेल्वेच्या खिडकीजवळ एक व्यक्ती उभी होती आणि खिडकीतून आतमध्ये शौचालयात या व्यक्तीसह अन्य लोकं सुद्धा सामानाबरोबर बसलेली किंवा उभे असलेली दिसली होती. लखनऊच्या चारबाग रेल्वे स्टेशनवरील ही घटना चर्चेचा विषय ठरली होती.
