सोशल मीडियावर दररोज असंख्य व्हिडीओ व्हायरल होताना आपण पाहत असतो. यात मजेशीर तसेच डान्सच्या व्हिडीओंची संख्या अधिक असते. कधी मेट्रोत डान्स, तर कधी सार्वजनिक ठिकाणी, कधी रस्त्यांवर फक्त प्रसिद्धी मिळावी यासाठी अशाप्रकारचे व्हिडीओ करत असतात. यात तरुणाईची संख्या जरा जास्तच असते. सोशल मीडियाच्या आहारी गेलेले तरुण-तरुणी काही लाइक्स आणि कमेंट्ससाठी काहीही करायला तयार होतात आणि यात आपला जीव धोक्यात घालतात.
अनेकदा अशा रील्सच्या नादात अपघातदेखील होतात. यात कोणी गंभीर जखमी होतं तर कोणाचा जीवदेखील जातो. अशा अनेक घटना सोशल मीडियावर व्हायरल होत असतात, ज्या पाहून काळजाचा ठोकाच चुकतो. सध्या अशीच एक घटना एका तरुणीबरोबर घडली आहे. वर्गात बेंचवर डान्स करता करता तरुणीचा तोल गेला अन् ती खालीच कोसळली.
व्हायरल व्हिडीओ
सोशल मीडियावर व्हायरल झालेल्या या व्हिडीओत तरुणी बेंचवर डान्स करताना दिसत आहे. ही तरुणी एका कॉलेज किंवा क्लासमध्ये असलेल्या रिकाम्या वर्गात असे स्टंट करताना दिसतेय. बेंचवर डान्स स्टेप्स करत असताना तरुणीचा तोल जातो आणि ती खालीच कोसळते. खाली पडल्यानंतर तिचा एक पाय बेंचमध्ये अडकतो तर डोकं जोरात खुर्चीला आपटतं.
हा व्हायरल व्हिडीओ @shakya_girl_890 या इन्स्टाग्राम अकाउंटवरून शेअर करण्यात आला असून “पार्टी शुरू होते ही खत्म हो गयी” असं कॅप्शन दिलं आहे. या व्हिडीओला तब्बल ५.६ मिलियन व्ह्यूज आले आहेत.
युजर्सच्या प्रतिक्रिया
व्हिडीओ व्हायरल होताच अनेकांनी प्रतिक्रिया दिल्या आहेत. एका युजरने कमेंट करत लिहिलं, ‘बापरे तिच्या डोक्याला जबर मार लागला आहे’, तर दुसऱ्याने ‘खूप धोकादायक’ अशी कमेंट केली आहे. तर तिसऱ्याने कमेंट करत लिहिलं, “अजून करा रील्स.”
दरम्यान, याआधीही असे अनेक व्हिडीओ सोशल मीडियावर व्हायरल झाले आहेत, ज्यात विद्येचं मंदिर मानलं जाणाऱ्या शाळेत, क्लासमध्ये आणि कॉलेजच्या कॅम्पसमध्ये अनेक विद्यार्थी रील्स करताना दिसले आहेत.
© IE Online Media Services (P) Ltd