जमिनीचे भाव आज गगनाला भिडले आहेत. त्यामुळे स्वप्नातलं घर बांधणं आता सर्वसामान्य माणसासाठी जवळपास अशक्य झालं आहे. पण तरी देखील काही मंडळी आपली पै पै साठवून स्वत:चं घर बांधतात. पण घर बांधल्यानंतर प्रशासन जागं होतं. आणि या भागातून रस्ता जाणार आहे. किंवा ही जागा अनधिकृत आहे अशी कारणं देत ते घर तोडण्याचे आदेश देतं. अशाच संकटात एक व्यक्ती अडकला. आता काय करायचं, लाखो रुपये खर्च करुन घर बांधलं आहे. असे प्रश्न सतावत असताना, आपल्या घराला वाचवण्यासाठी त्याने अजबच शक्कल लढवली. त्याने चक्क स्वत:चं घर उचलून दुसऱ्या ठिकाणी नेलं. आता तुम्हाला प्रश्न पडला असणार हे कसं शक्य आहे? तर हा व्हिडीओ पाहा.
सोशल मीडियावर रोजच अनेक व्हिडीओ अपलोड केले जातात. यातील काही व्हिडीओ अतिशय़ मजेदार असतात. तर काही व्हिडीओ पाहून आपण अवाक् होतो . असाच एक व्हिडीओ सध्या व्हायरल होतोय.
या व्हिडीओमध्ये तुम्ही पाहू शकता, चक्क क्रेनच्या सहाय्याने घर एका ठिकाणाहून दुसऱ्या ठिकाणी नेले जात असल्याचे दिसत आहे. आपल्याला माहिती आहे टेक्नलॉजी इतकी पुढे गेली आहे. मात्र कधी कधी असे प्रकार पाहून खरंच आश्चर्य वाटतं. हा व्हिडीओ पाहून नेटकरीही चकीत झाले आहेत. याआधी आपण घरातलं सामान शिफ्ट करताना पाहिलं आहे. मात्र, या पठ्ठ्याने थेट घरच एका ठिकाणाहून दुसऱ्या ठिकाणी शिफ्ट केलंय. याआधी अशाप्रकारे अख्खं घरच दुसऱ्या ठिकाणी नेताना आपण पाहिल नसेल.
पाहा व्हिडीओ
हेही वाचा >> VIDEO: अंत्ययात्रा सुरू असताना ‘तो’ जिवंत झाला! नातेवाईकांची आर्त हाक ऐकून उघडले डोळे
@ChapraZila अकाउंटवर पोस्ट करण्यात आला असून या व्हिडिओवर विविध प्रकारच्या प्रतिक्रिया येत आहेत. या व्हिडीओवर एका व्यक्तीने लिहिले की अशी वेळ का आली पण? तर दुसऱ्या युजरने म्हंटलय की, हे खूप धोकादायक आहे.
