रुग्णाने मदत मागताच रुग्णालय कर्मचारी भडकला, व्हिलचेअरवरुन दिलं ढकलून; व्हिडीओ व्हायरल

कृष्णगिरी सरकारी रुग्णालयात ही घटना घडली आहे. रुग्णाने रुग्णालयातील कर्मचारी भास्करन याच्याकडे आपल्याला बेडपर्यंत पोहोचण्यासाठी मदत मागितली होती. यावेळी संतापलेल्या भास्करनने रुग्णाला सुनावलं आणि इतकंच नाही तर जाण्याआधी त्याला व्हिलचेअवरुन ढकलून खाली जमिनीवर पाडलं.

वृत्तपत्रातून या घटनेची माहिती मिळताच राज्य मानवाधिकार आयोगाने दखल घेत तीन आठवड्यात सविस्तर अहवाल सादर करण्याचा आदेश दिला. उत्तर देण्यास उशीर केला तर कारवाई केली जाईल असा इशाराही आयोगाकडून देण्यात आला आहे.