VIDEO: “तुझ्या प्रितीत झाले खुळी…” जुन्या मराठी गाण्यावर महिलांचा तुफान डान्स; VIDEO पाहून म्हणाल “नाद पाहिजे फक्त”

सध्या सोशल मीडियावर काही महिलांच्या एका ग्रुपचा डान्स व्हिडिओ व्हायरल होत आहे. ज्या व्हिडिओची सध्या सर्वत्र मोठी चर्चा होत आहे. सोशल मीडियावर सध्या लहानांपासून मोठ्यांपर्यंत सगळेच रील्स बनवत असतात. दरम्यान अशाच काही हौशी महिलांचा गृप डान्स सध्या सोशल मीडियावर व्हायरल होत आहे. साडी नेसून या महिलांनी चाळीतल्या छोट्याशा जागेत भन्नाट डान्स केला आहे जो पाहून तुम्हीही अवाक् व्हाल.महिला वर्ग म्हणजे सतत काही ना काही कामात व्यस्त असणारा वर्ग. घरातली कामं तर संपता संपत नाहीत. त्यात सणवार, पाहुणेरावळे, आजारपणं असं सगळं करताना आपली अगदी दमछाक होऊन जाते. मात्र या महिलांनी हे सगळं सांभाळून स्वत:लाही वेळ दिला आहे.

या महिलांनी जुनं मराठी गाणं “तुझ्या प्रितीत झाले खुळी, तुझ्या वाचून ना करमे मुळी, माझ्या श्वासात तू माझ्या स्वप्नात तू तरी का रे सख्या दूर तू… डान्स केला आहे. या गाण्यावर डान्स केला आहे. विशेष म्हणजे त्यांचा डान्स व्हिडीओ सध्या तुफान व्हायरल होत आहे. हल्ली मराठी गाण्यांवर फारसं कुणी डान्स करताना दिसत नाही, मात्र या महिलांनी मराठी गाण्यावर असा डान्स केला आहे की, पाहून तुम्हीही थिरकायला लागाल. या व्हिडीओमध्ये तुम्ही पाहू शकता, चार महिला सुंदर डान्स करताना दिसत आहे. त्यांचा डान्स पाहून कोणीही थक्क होईल. त्यांच्या डान्स स्टेप्स आणि चेहऱ्यावरील हावभाव पाहून कोणीही थक्क होईल. त्या अप्रतिम असा डान्स करताना दिसत आहे. त्यांचा उत्साह पाहून तुम्हालाही ऊर्जा येईल. एवढचं नाहीतर या महिलांनी स्टेप अशा केल्या आहेत की, जणू काही त्या प्रोफेशनल डान्सरच आहेत.

पाहा व्हिडीओ

आयुष्यातील खरी मजा शाळा-कॉलेजमध्ये असतानाच येते, असं म्हणत आपण त्या आठवणीत किती रमून जातो. मित्रांबरोबर केलेली मजा, पॉकेटमनीचे पैसे बाजूला काढून केलेल्या छोटेखानी पार्ट्या, धमाल आणि निखळ आनंद… हा आठवणींचा ठेवा म्हणूनच प्रत्येकाच्या मनात साठलेला असतो. एकदा कॉलेजचा उंबरठा ओलांडला की, नोकरी, करिअर, लग्न, मुलं या सगळ्या चक्रात फिरता-फिरता अक्षरश: दमछाक होते, विशेषतः महिलांची! ‘ती’ कणखर असते, सगळ्या जबाबदाऱ्या पार पाडण्याची ताकद तिच्याइतकी कुणातही नाही, वगैरे प्रोत्साहनपर कौतुक कधी तरी कानी पडतं. त्यातून तिला जरा बळही मिळतं आणि ती धावत राहते अखंड, पण अचानक आयुष्याच्या मध्यावर हे धावणंच निरर्थक वाटू लागतं. आयुष्यात आपण केवळ कष्ट केले आणि हाती काही गवसलंच नाही, अशा विचारांचं काहूर माजतं आणि मग स्वत:चाच शोध पुन्हा सुरु होतो. अशाच या महिला ज्या स्वत:ची आवड जपत मनसोक्त आयुष्य जगत आहेत.