Viral Video of Landslide: पावसाळा सुरू झाला की अपघात, भूस्खलनाचे अनेक व्हिडीओ सोशल मीडियावर व्हायरल होताना दिसतात. यातली घटना नेमकी कुठे घडली याचा पत्ता लागलेला नसतानादेखील सोशल मीडियावर वेगवेगळे दावे केले जातात. FACT CHECK द्वारे आपण असे व्हिडीओ नेमके कुठले आहेत? या घटना नेमक्या कुठे आणि घडल्या आहेत याची माहिती काढतो. FACT CHECK देशाच्या विविध भागांमध्ये भूस्खलन आणि मुसळधार पावसाच्या वृत्तांदरम्यान, लाइटहाऊस जर्नलिझमला रस्ता खचल्याचा दाखवणारा एक व्हिडीओ सापडला, जो भारताचा आहे असे दावे केले जात होते. आमच्या तपासादरम्यान आम्हाला आढळले की, व्हायरल दावे दिशाभूल करणारे आहेत आणि हा व्हिडीओ वास्तविक तुर्कीचा आहे. हेही वाचा. भारत की पाकिस्तान? शिक्षकाचे विद्यार्थ्यावर अत्याचार, छतावर उलट लटकवलं अन्…; VIRAL VIDEO नेमका आहे कुठला? पाहा काय होत आहे व्हायरल? (VIRAL VIDEO) X युजर Rajiv Tyagi ने दिशाभूल करणाऱ्या दाव्यासह हा व्हिडीओ शेअर केला. या पोस्टचा अर्काइव्ह व्हर्जन इथे बघा. इतर वापरकर्तेदेखील याच दाव्यासह व्हिडीओ शेअर करत आहेत. तपास (Investigation) आम्ही व्हिडीओचे स्क्रीनशॉट मिळवले आणि आमचा तपास सुरू केला. नंतर या स्क्रीनशॉट्सवर रिव्हर्स इमेज सर्च करत हा तपास सुरू केला. एका कीफ्रेमवर रिव्हर्स इमेज सर्चद्वारे, आम्हाला तोच व्हिडीओ १२ ऑक्टोबर २०२३ रोजी TV Teuta च्या Facebook पेजवर अपलोड केलेला आढळला. कॅप्शनमध्ये नमूद केले होते : Deti i Zi (Karadeniz) Turqi या कॅप्शनमुळे असे कळले की, हा व्हिडीओ भारताचा नसून तुर्कीचा आहे. हेही वाचा. डान्स VIDEO शूट करताना मागून हवेच्या वेगाने आली बाईक अन्…, पुढे तरुणीबरोबर ‘जे’ काही घडलं ‘ते’ पाहून व्हाल थक्क आम्हाला हा व्हिडीओ redd.tube वरदेखील आढळला. या व्हिडीओचे शीर्षक होते: Landslide right at the end of a tunnel at Ordu in Turkey | 10 July 2023 याचा स्रोत reddit.com वर होता. वर्षभरापूर्वी अपलोड केलेल्या वर्ल्ड इव्हेंट्स न्यूजच्या यूट्यूब चॅनेलवर आम्हाला या घटनेचा व्हिडीओदेखील सापडला. रिव्हर्स इमेज सर्चदरम्यान आम्हाला एक बातमीदेखील आढळली, ज्याने व्हिडीओ तुर्कीचा असल्याची पुष्टी केली. हेही वाचा. हीच खरी माणुसकी! पावसाच्या पाण्यात बुडणाऱ्या श्वानाची मृत्यूच्या दारातून सुटका; VIRAL VIDEO पाहून कराल कौतुक निष्कर्ष (Conclusion) रस्ता कोसळल्याचा हा व्हायरल व्हिडीओ भारतातील नसून तुर्कस्तानमधील आहे. ही तुर्कस्तानमधील एक जुनी घटना आहे जी गेल्या काही दिवसांपासून व्हायरल होतेय. व्हायरल दावे दिशाभूल करणारे आहेत.
