viral proposal video: प्रत्येक मुलीनं आपल्या जोडीदाराबाबत काही स्वप्नं रंगवलेली असतात. त्यापैकी एक म्हणजे तिला भेटणाऱ्या जोडीदारानं तिला रोमँटिक असं प्रपोज करावं. बरं आपल्या आवडत्या मुलीला इम्प्रेस करण्यासाठी मुलंदेखील काय काय नाही करत. प्रत्येकाचा वेगळ्या पद्धतीनं प्रपोज करण्याचा प्रयत्न असतो, जेणेकरून तरुणीकडून होकार आलाच पाहिजे. मग कुणी तिला बीचवर नेतं, कुणी डोंगरावर नेतं तर कुणी तिला तिच्या आवडत्या ठिकाणी नेतं. सध्या सोशल मीडियावर प्रपोजचा एक असा व्हिडीओ व्हायरल होतो आहे, जो तुम्ही कधी पाहिलाच नसेल. : एका परदेशी न्यूज चॅनलची प्रसिद्ध अँकर कॉर्नेलिया निकोल्सन लाईव्ह कॅमेऱ्यावर बातम्या वाचत असताना तिला तिच्या प्रियकराकडून सरप्राईज मिळालं. एका न्यूजरूमधील हा व्हिडीओ सध्या सोशल मीडियावर व्हायरल होत आहे.
एका बॉयफ्रेंडने मोठ्या हिंमतीने आपल्या गर्लफ्रेंडला प्रपोज करण्याचा निर्णय घेतला. त्याची गर्लफ्रेंड होती न्यूज अँकर… एक दिवस नेहमीप्रमाणे बुलेटिन वाचत असताना तिच्यासोबत जे काही घडलं. जे पाहून तिला आश्चर्याचा धक्का बसला. एका परदेशी न्यूज चॅनलची प्रसिद्ध अँकर कॉर्नेलिया निकोल्सन लाईव्ह कॅमेऱ्यावर बातम्या वाचत असताना तिला तिच्या प्रियकराकडून सरप्राईज मिळालं.
टेलिप्रॉम्प्टरवर लिहिलेली बातमी वाचताना तिला समजतं की ही माहिती काहीतरी आपल्या संबंधातील आहे. आमचा रिपोर्टर रिले नागेल आम्हाला याबद्दल अधिक माहिती देईल, असं ती म्हणते आणि तिला तिचा बॉयफ्रेंड आठवतो. तेवढ्यात तिच्या पुढील स्क्रीनवर कॉर्नेलिया आणि रिले यांचे फोटो दिसतात अन् तिला हसू फुटतं. त्याचवेळी रिले फुलांचा गुच्छ घेऊन गर्लफ्रेंडजवळ पोहोचतो. हे सगळं अगदी परफेक्ट जुळून आलेलं असतं. यावेळी तिच्या बॉयफ्रेंडनं केलेला प्लॅन अतिशय उत्तमरित्या यशस्वी होतो. यावेळी दोघांच्याही चेहऱ्यावरचा आनंद सगळं काही सांगून जात आहे.
पाहा व्हिडीओ
हेही वाचा – फोटोशूटसाठी नवरी थेट नवरदेवाच्या छातीवर चढली, VIDEO पाहून लावाल डोक्याला हात
हा व्हिडीओ पाहिल्यानंतर त्यावर बऱ्याच प्रतिक्रिया येत आहेत. व्हिडीओ पाहून सर्वजण शॉक झाले आहेत. पण अनेकांनी या कपलला भविष्यासाठी शुभेच्छाही दिल्या आहेत.
