Viral Video : भररस्त्यातच नन आणि पोलिसांत सुरू झाला फुटबॉल सामना

या नन पोलिसांसोबत ‘किपी अपी’ खेळत होत्या. म्हणजे एकदा का फुटबॉल तुमच्याकडे आला की त्याला हाताचा स्पर्श न करता खांद्याने किंवा पायाने तो हवेत झेलवत ठेवायचा. आता तुम्ही अनेकदा असं करताना फुटबॉलरला पाहिलं असेलच तेव्हा हा प्रकार किती कठीण आहे हे वेगळं सांगायला नको. पण तरीही या ननने फुटबॉल खाली पडू न देता, पोलिसांसोबत जो काही सामना खेळला तो पाहण्यासारखाच होता. या ननचा उत्साहच इतका होता की या दोघांत रंगलेला सामना पाहण्यासाठी बघ्यांची गर्दी रस्त्यावर जमली होती. रस्त्यावर तर गर्दी होतीच पण सोशल मीडियावर देखील लोकांचा तुफान प्रतिसाद या व्हिडिओला पाहायला मिळाला. या व्हिडिओला १४ हजारांहून अधिक शेअर्स आहेत. तर अकरा हजारांहून अधिक लोकांनी तो पाहिला आहे