Viral video: सोशल मीडियावर रोज अनेक फोटो, व्हिडीओ व्हायरल होत असतात. त्यातील काही आपल्याला पोट धरून हसवणारे तर काही थक्क करणारे असतात, असाच एक व्हिडीओ सध्या प्रचंड व्हायरल होत आहे. या व्हिडीओमध्ये काही आजोबा मनसोक्त गरबा खेळताना दिसत आहे. त्यांचा उत्साह हा तरुणाईला लाजवेल असा आहे. उत्साहाला कशाचेच बंधन नसते, अगदी वयाचेही नाही याचाच प्रत्यय सध्या व्हायरल होणाऱ्या या व्हिडीओतून येत आहे. ‘हौसेला मोल नसते’ ही म्हण मराठी भाषेत प्रचलित आहे. परंतु ‘हौसेला वय नसतं’ हे या आजोबांनी सिद्ध केलं आहे.
आयुष्यातील उतार वयात वृद्ध लोक बराचसा वेळ हा आपल्या नातवंडात घरीच घालवणे पसंत करतात. पण काही अवलीया शेवटच्या क्षणापर्यंत आपं आयुष्य मनसोक्त जगतात. या व्हिडीओमध्ये दोन आजोबा कशाचीही चिंता न करता मनसोक्त गरब्याच्या तालावर थिरकताना दिसत आहेत. आयुष्याच्या प्रत्येक टप्प्यात वेगवेगळे अनुभव घेतले असणारी वृद्ध मंडळी आयुष्याच्या शेवटच्या टप्प्यात अशी उत्साही दिसली की बघणाऱ्यालाही प्रसन्न वाटतं.
या व्हिडीओमध्ये तुम्ही पाहू शकता, वृद्ध मंडळींचा गृपवर मैदानात गरबा खेळत आहेत. यावेळी सगळ्या आजोबांनी धोतर नेसलं असून डोक्यात पांढरी टोपी घातली आहे. दांडिया आणि गरब्याची गाणी सुरू असतात या गाण्याच्या ठेक्यावर काही आजोबा दांडिया खेळत आहेत. एका तालात आणि एका ठेक्यावर सर्व आजोबा दांडिया खेळत आहेत. आजू बाजूला असलेल अनेक नागरिक त्यांना पाहत असून हा व्हिडीओ पाहून तुम्हीही आजोबांचं कौतुक कराल.
पाहा व्हिडीओ
हेही वाचा >> सूरज चव्हाणच्या आगमनाला गावात खतरनाक नियोजन; २०० किलोचा हार १२ डिजे अन्..सुरजच्या घराबाहेरचा VIDEO व्हायरल
हा व्हिडीओ नेमका कुठला आहे, याबाबात माहिती मिळू शकलेली नाही. व्हिडीओ इन्स्टाग्रामवर marathi_epic_jokes या पेजवर अपलोड करण्यात आला आहे. हा व्हिडीओ सोशल मीडियावर येताच तो काही क्षणांत व्हायरल झालाय. लोक या व्हिडीओला आवडीने पाहत असून लाईक आणि शेअर करत आहेत. हा व्हिडीओ पाहिल्यानंतर लोक तो पुढे सोशल मीडियावरील इतर प्लॅटफॉर्मवर शेअर करत आहेत. हा व्हिडीओ इतका व्हायरल झालाय की आतापर्यंत या व्हिडीओला लाखो व्ह्यूज मिळाले आहेत. या व्हिडीओवर नेटकरी मजेदार कमेंट्स करत आहेत. या वयातदेखील आजोबांचा उत्साह वाखाणण्याजोगा आहे, अशी प्रतिक्रिया एका नेटकऱ्याने दिली आहे. तर “किती जगला यापेक्षा कसा जगला हे म्हत्त्वाचे” असे दुसऱ्या नेटकऱ्याने म्हटले आहे.
