आई-वडिलांसारखेच शिक्षक हे आपल्या गुरुस्थानी असतात. शिक्षक विद्यार्थ्यांचं आयुष्य घडवतात. काय चूक काय बरोबर हे शिकवण्याबरोबरच आयुष्याची गणितं कशी सोडवायची ते शिकवतात. ज्ञानाचा सागर असलेले आपले शिक्षक वेगवेगळ्या पद्धतीने विद्यार्थ्यांना घडवण्याचा प्रयत्न करत असतात.
सोशल मीडियावर दर दिवसाला अनेक व्हिडीओ व्हायरल होत असतात. आतापर्यंत आपण अनेकदा शाळा किंवा कॉलेजमधील शिक्षकांचे शाळेत कविता शिकवतानाचे, मुलांना डान्स शिकवण्याचे अनेक व्हिडीओ सोशल मीडियावर पाहिलेच असतील. पण, सध्या शिक्षकाचा एक वेगळाच व्हिडीओ सोशल मीडियावर व्हायरल होतोय, ज्यात शिक्षक पावडर कशी लावायची हे शिकवतायत.
हेही वाचा… “हे फक्त शेतकरीच करू शकतो”, हिरवी साडी नेसवली अन् फुलांची सजवलं, चक्क गाईसाठी केला डोहाळ जेवणाचा थाट
शिक्षकाने शिकवलं बचतीचं शिक्षण
सध्या सोशल मीडियावर व्हायरल झालेल्या या व्हिडीओने सगळ्यांचं लक्ष वेधून घेतलंय. या व्हिडीओमध्ये एका शाळेत शिक्षक अगदी वेगळ्या पद्धतीने मुलांची शिकवणी घेताना दिसत आहे. पावडर कशी लावावी याबद्दल हे सर शिकवताना दिसतायत. अगदी हातात पावडर घेऊन त्याचं प्रात्यक्षिक करून कशी पावडर लावू नये आणि कशी पावडर लावावी याबद्दल सविस्तर सरांनी या व्हिडीओमध्ये सांगितलं आहे.
सोशल मीडियावर व्हायरल झालेला हा व्हिडीओ @tanajidhumal333 या इन्स्टाग्राम अकाउंटवरून शेअर करण्यात आला असून “बचतीचे शिक्षण” अशी कॅप्शन व्हिडीओला देण्यात आली आहे. व्हिडीओ व्हायरल होताच याला तब्बल १.९ मिलियन व्ह्युज आले आहेत.
हेही वाचा… आगरी-कोळी गाण्याचा नादच भारी! मुंबई लोकलमध्ये महिलेचा भन्नाट डान्स, VIDEO पाहून कराल कौतुक
युजर्सच्या प्रतिक्रिया
व्हिडीओ सोशल मीडियावर व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, “त्यामुळे पोरांचा सिलॅबस संपत नाहीय.” तर दुसऱ्याने “ही मुलं भाग्यवान आहेत” अशी कमेंट केली. तर एक जण कमेंट करत म्हणाला, “पावडरच का लावायची आहे पण.” तर “सर खूप सुंदर, शिक्षण कोणत्याही शाळेत मिळेल, पण दैनंदिन जीवनातल्या बारीक गोष्टी कशा हाताळायच्या हे खूप महत्त्वाचं असतं, जे लाख रुपयांची फी भरूनपण शहरातल्या शाळांमध्ये आज शिकवत नाही, छान प्रयत्न आहे हा तुमचा”, अशीदेखील कमेंट एकाने केली.
तसंच “जिल्हा परिषदेच्या शाळेचं सौंदर्य”, “सरांचा शिकवण्याचा पॅटर्नच वेगळा”, “हे फक्त मराठी शाळेतच पाहायला मिळतं”, अशाप्रकारच्या अनेक कमेंट्स व्हिडीओला आल्या आहेत.
