‘ही’ नक्की कशाची पॉवर? काकांनी गरबा खेळताना केलं ‘असं’ काही की…, VIDEO पाहून येईल हसू

नवरात्रोत्सवात आकर्षण ठरणारा गरबा खेळण्याचा मोह कोणालाच आवरत नाही. अगदी लहानग्यांपासून वयोवृद्धांपर्यंत सगळेच आवडीने गरबा खेळतात. दरवर्षी वेगवेगळ्या स्टेप्स बसवून आपल्या अंदाजात गरबा खेळतात. यादरम्यान, सोशल मीडियावर अनेक व्हिडीओ व्हायरल होत असतात. सध्या असाच एक व्हिडीओ व्हायरल होतोय, ज्यात एक काका अगदी जोशात गरबा खेळताना दिसतायत.

हेही वाचा… “एका मुलीसाठी एकमेकांचा जीव घेतील”, भर विद्यापीठात विद्यार्थ्यांचे दोन गट भिडले अन् लाथा-बुक्क्याने केली मारहाण, VIDEO व्हायरल

व्हायरल व्हिडीओ

व्हायरल झालेला हा व्हिडीओ सध्या खूप गाजतोय. या व्हिडीओत नवरात्रोत्सवात एका ठिकाणी गरबा सुरू आहे. अनेक जण एकसारख्या स्टेप करीत गरबा खेळण्यात मग्न आहेत. पण या व्हिडीओत लक्ष मात्र काकांनी वेधून घेतलं आहे. हाय रे हाय तेरा ठुमका या गाण्यावर काका जबरदस्त गरबा स्टेप करताना दिसत आहेत. अगदी जोशात आणि जल्लोषात ते गरबा खेळताना दिसतायत. काकांची एनर्जी पाहून अनेकांनी त्यांचं कौतुकदेखील केलं आहे.

हा व्हायरल व्हिडीओ @_kokani_suhas121 या इन्स्टाग्राम अकाउंटवरून शेअर करण्यात आला असून “कशी आहे स्टेप” अशी कॅप्शन या व्हिडीओला देण्यात आली आहे. या व्हिडीओला सात लाखांपेक्षा जास्त व्ह्युज आले आहेत. एका गावातील हा व्हिडीओ नेमका कुठला आहे हे अद्याप कळू शकलेले नाही.

हेही वाचा… “देशी दारू अशी चढली की…”, सरकत्या जिन्यांवर काकांनी काय केलं पाहा; VIDEO पाहून पोट धरुन हसाल

युजर्सच्या प्रतिक्रिया

व्हिडीओ व्हायरल होताच अनेकांनी यावर आपापल्या प्रतिक्रिया दिल्या आहेत. एका युजरने कमेंट करीत लिहिलं, “दिवस पाचवा नाही, पेग पाचवा आहे” तर दुसऱ्याने “देशी पॉवर” अशी कमेंट केली. तर एक जण म्हणाला, “एकपण बीट मिस नाही होणार, डोन्ट अंडरएस्टिमेट काकांचा ठुमका” तसंच “काका फुल जोशमध्ये आहेत”, “९० लय झाली काय”, “९० पॉवर “, “दारूडा गरबा”, “देशी स्टाईल” अशा अनेक कमेंट्स नेटकऱ्यांनी केल्या आहेत.

दरम्यान, याधीही नवरात्रीत गरबा खेळणाऱ्यांचे असेच अनेक व्हिडीओ व्हायरल झाले आहेत, ज्यात महिला चक्क ट्रेनमध्येच गरबा खेळल्यात. तर, एका आजीने आपल्या स्टेप्सनी नेटकऱ्यांना चकित केले.