आयुष्यात मित्र खूप महत्त्वाचे असतात, असं म्हटलं जातं. एकीकडे ते आपल्या प्रत्येक सुख-दुःखात आपल्या सोबत असतात तर दुसरीकडे मस्ती करण्यातही तितकेच पुढे असतात. काही अगदी बॉडीगार्डप्रमाणे सतत आपल्या आजूबाजूला असतात तर काही लोकांमध्येही आपली मस्करी करण्याची संधी सोडत नाहीत. लग्नात तर मित्र अगदी विचित्र मस्करी करताना दिसतात. अनेकदा य मित्रांचे कारनामे सोशल मीडियावर व्हायरल होतात, असाच एक लग्नातील कारनामा सध्या सोशल मीडियावर तुफान व्हायरल होत आहे.
मित्र हे नेहमीच एकमेकांची मस्करी करत मजा घेत असतात, मग त्याला वेळ काळ, ठिकाण असं काही लागत नाही. मग ते मित्राचं लग्न का असेना. अशाच मित्रांचा एक व्हिडीओ सध्या सोशल मीडियावर तुफान व्हायरल होत आहे. या व्हिडीओमध्ये तुम्ही पाहू शकता, एक वधू आणि वर स्टेजवर उभे आहेत, यावेळी मंगलाष्टका सुरु आहे.लग्नात मंगलाष्टका सुरु असतात. नवरा- नवरी एकमेकांना हार घालतच असतात. तेच एका बाजूने नवऱ्याचे मित्र मोठ्याने मोये मोये ओरडतात. त्यावेळी नवरा हळूच गालात हसतो. तर नंतर मस्करी केल्याने नवरी एकदम रागात लूक देते. याचाच व्हिडिओ व्हायरल होत आहे.
लग्न हा प्रत्येकाच्या आयुष्यातला खूप खास दिवस असतो. त्यादिवशी सगळं व्यवस्थित पार पडावं कोणतेही विघ्न येऊ नये यासाठी सर्व गोष्टींची व्यवस्थित तयारी केली जाते. त्या आनंदाच्या दिवशी आपल्या नातेवाईक, मित्रमंडळी सर्वांनी या शुभप्रसंगी हजेरी लावावी अशी वधु वरांची इच्छा असते.
पाहा व्हिडीओ
हेही वाचा >> पेट्रोल भरताना दुचाकीला अचानक आग, कर्मचाऱ्यांनी बाईक फेकली रस्त्यावर; कानपूरमधला VIDEO व्हायरल
हा व्हिडीओ @khandakezzzzz या इन्स्टाग्रामवर अकाऊंटवरुन शेअर करण्यात आला आहे. यावर कमेंट करून लोक नवरदेवाची मस्करी करत आहेत.दुसऱ्या एका यूजरने लिहिलं, नवरदेवानेही याच्या लग्नात अशीच मस्करी केली असेल म्हणूनच मित्र बदला घेत आहे. आणखी एकाने लिहिलं, अशा मित्रांना लग्नातच बोलवायचं नाही. यासोबत इतरही अनेकांनी यावर मजेशीर कमेंट केल्या आहेत.
