सोशल मीडियावर आजकाल आपण कधीही न पाहिलेले, भयंकर आणि धक्कादायक व्हिडीओ व्हायरल होत असतात. धक्कादायक वाटणाऱ्या व्हिडीओंमध्ये जंगली प्राण्यांच्या मोठ्या प्रमाणात समावेश असतो. कधी भलामोठा अजगर एखाद्या माणसाला आपल्या विळख्यात घेतानाचा अंगावर शहारा आणणारा, तर कधी महिलेच्या तोंडात साप शिरल्याचा धक्कादायक व्हिडीओ तुम्ही याआधी पाहिले असतील. मात्र, सोशल मीडियावर सध्या असा एक व्हिडीओ व्हायरल होत आहे, जो तुम्ही याआधी पाहिलेल्या व्हिडीओंपेक्षाही भयानक आहे. त्या व्हिडीओमध्ये एक महिला चक्क डरकाळी फोडणाऱ्या सिंहिणीला आपल्या कडेवर उचलून घेऊन जाताना दिसतं आहे. ते दृश्य पाहून तुम्हाला देखील आश्चर्याचा धक्का बसल्याशिवाय राहणार नाही. आणखी पाहा- Video: देवाची करणी अन.. ; ४ भल्या मोठ्या बैलांनी एकट्या माणसाला घेरलं, हल्ला करणार इतक्यात समोरून.. सिंहाला जंगलाचा राजा म्हणतात, शिकार करण्यात तरबेज असणारे देखील मोठमोठे शिकारी देखील सिंहासमोर उभे राहण्याचं धाडस करत नाहीत. शिवाय सिंहा इतकीच सिंहीण देखील एकाच हल्ल्यात कोणत्याही प्राण्याला गारद करु शकते. त्यामुळे सिंहाची शिकार करायला किती धाडस असावं लागेल, याचा अंदाज तुम्ही लावू शकता. पण अशा ताकदवर सिंहिणीला एखादी महिला आपल्या कडेवर अलगद उचलून घेऊन जात आहे, असं तुम्हाला कोणी सांगितलं तर त्यावर विश्वास बसणार नाही. पण ते खरं आहे, हे तुम्हाला व्हायरल व्हिडीओ पाहिल्यानंतर कळेल. व्हायरल होत असलेल्या या व्हिडीओमध्ये एक महिला चक्क सिंहिणीला उचलून घेऊन जाताना दिसतं आहे. त्यामुळे सिंहिणीला आव्हान देणारी ही 'शेरणी' असल्याचं नेटकरी म्हणत आहेत. तर महिला ज्या सिंहिणीला घेऊन जाताना दिसतं आहे, ती सिंहिण पाळीव असल्याचं देखील काही नेटकरी म्हणत आहेत. घरातून पळालेली सिंहिण ? दरम्यान, व्हायरल होत असलेल्या व्हिडीओतील सिंहिण तिच्या मालकीनीच्या घरातून पळून आली होती. सिंहिणीला रस्त्यावर बघून लोकांची एकच तारांबळ उडाली, या घटनेची माहिती मालकीनीला मिळताच ती रस्त्यावर असणाऱ्या सिंहिणीला घेऊन गेल्याचं सांगितलं जातं आहे. हा व्हिडीओ सोशल मीडियावर चांगलाच व्हायरल झाला असून त्याला एक लाखाहून अधिक लोकांनी पाहिला आहे.
