Ranu Mondal Bride Viral Video: राणु मंडल माहित नाही आता असं क्वचितच कुणी असेल. पश्चिम बंगालमध्ये रेल्वे स्टेशनवर गाताना कुणीतरी राणूचा व्हिडीओ शूट केला काय आणि सोशल मीडियाला रातोरात एक नवीन स्टार मिळाली. या स्टारची चमक फार दिवस टिकू शकली नाही याचे कारणही ती स्वतःच ठरली. प्रसिद्धीचा अहंकार आणि मीडियाला तिरकस उत्तर देणे यामुळे राणूला काहीच दिवसात आपल्या मूळ स्थितीत परतावे लागले. दरम्यान काही दिवसांपूर्वी याच राणूने आपल्यापेक्षा वयाने खूप लहान मुलासह एक रोमँटिक व्हिडीओ बनवला होता आणि आता चक्क तिचा नवरीच्या वेशातील व्हिडीओ प्रचंड व्हायरल होत आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

बंगाली नवरीच्या पारंपरिक वेशात लाल साडी, लाल चुडा, मेकअप करून राणूबाई सजल्या आहेत. ही नवी नवरी लग्नाच्या कपड्यात गाणे सुद्धा गात आहे. ये क्या हुआ कैसे हुआ हे गाणं निवडून राणूने नेटकऱ्यांच्या मनातला प्रश्न गाऊन दाखवला आहे.

हा व्हिडिओ जयिता दासने काही हॅशटॅगसह शेअर केला आहे आणि त्याला लाखो व्ह्यूज आणि अनेक कमेंट्स मिळाल्या आहेत. अनेक वापरकर्त्यांनी मोंडलची खिल्ली उडवली, तर काहींनी तिची प्रशंसा केली आणि अनेकांनी ती तिच्या आयुष्यात अशी परिस्थिती का पोहोचली हे देखील लिहिले आहे.

राणु मंडल बनली नवरी

दरम्यान, २०१९ मध्ये हिमेश रेशमियाने राणू मंडलकडून तब्बल ३ गाणी रेकॉर्ड करून घेतली. पण हिमेश आणि राणू वगळता फारशी कुणी ती गाणी ऐकलेली नाहीत. हिमेशच्याच चित्रपटातील ‘तेरी मेरी कहानी’ हा गाणं थोडंफार गाजलं पण याची सोशल मीडियावर भरपूर हवा झाली. राणू मंडल आता पुढची स्टार म्हणून लोकांनी तिला डोक्यावर घ्यायला सुरुवात केली. पण तिचं करिअर त्या ३ गाण्यांनंतर संपल्यात जमा झालं.