वाहतूकीचे नियमांचे उल्लंघन करणाऱ्या बेशिस्त वाहनचालकांमुळे रोज कित्येक अपघात होत असतात. अनेकदा असे अपघात व्हिडीओमध्ये कैद होतात आणि नंतर सोशल मीडियावर व्हायरल होतात. सध्या अशाच एका अपघाताची सोशल मीडियावर तुफान चर्चा होत आहे. व्हायरल व्हिडीओमध्ये एका दुचाकीचा अपघात पाहून नेटकऱ्यांच्या काळजा धस्स झाले आहे. व्हिडीओ पाहून हा अपघात चित्रपटातील सीन आहे असे वाटते पण हा अपघात प्रत्यक्षात घडला आहे. या घटनेचा व्हिडीओ सध्या सोशल मीडियावर व्हायरल होत असून अजूनही नेटकऱ्यांना डोळ्यावर विश्वास बसत नाही. आश्चर्याची गोष्ट म्हणजे या अपघातनंतर दुचाकीस्वाराचा जीव थोडक्यात वाचला आहे.
दुचाकीस्वाराचा थरारक अपघात
१० सेकंदाच्या व्हायरल व्हिडीओमध्ये पाहू शकता की, रहदारीच्या रस्त्यावर भरधाव वेगाने वाहनांची ये-जा सुरू आहे. दरम्यान एक दुचाकीस्वार भरधाव वेगाने येतो आणि दुभाजकावर जाऊन आदळतो ज्यामुळे तो दुचाकीसह हवेत फेकला जातो. एवढं नाही तर तो समोरून येणाऱ्या चालत्या ट्रकच्या बोनेटवर जाऊन आपटतो.सुदैवाने ट्रक ड्रायव्ह माणसाला हवेत उडताना पाहून ताबडतोब ब्रेक लावतो आणि संभाव्य अपघात टाळतो. हा क्षण पाहून अंगावर काटा उभा राहतो. अपघात झाल्यानंतर दुचाकीस्वार शांतपणे ट्रकच्या बोनेटवरून खाली उतरतो आणा शांतपणे रस्त्यावर पडलेली स्कुटर उचलतो. व्हिडीओ पाहून नेटकऱ्यांना धक्का बसला आहे. अनेकांनी दुचाकीस्वाराची प्रतिक्रिया पाहून आश्चर्य व्यक्त केले आहे.
हेही वाचा –““आता हेच पाहणे बाकी होते”, चक्क बटरमध्ये भाजला आईस्क्रिम पाव, Viral Video पाहून संतापले नेटकरी
येथे पाहा Video
हेही वाचा – लग्नसोहळ्यात कारच्या सनरुफमध्ये उभे राहून सुरु होती आतशबाजी, पुढच्या क्षणी फटाके…..Viral Video
नेटकरी चक्रावले
एक्सवर @jsuryareddy नावाच्या पेजवर हा व्हिडीओ पोस्ट केला आहे. व्हिडीओ शेअर करताना कॅप्शनमध्ये लिहिले आहे की, “हा सीन रोहित शेट्टींच्या चित्रपटांमधील सीन नाही.” व्हायरल व्हिडीओवर प्रतिक्रियांचा पाऊस पडला आहे. वापरकर्त्यांनी ट्रक ड्रायव्हरच्या कृतीची प्रशंसा केली आणि चालकाची अचूक लँडिंग पाहून धक्का आणि अविश्वास व्यक्त केला.
एकाने लिहिले की, “मी हा व्हिडीओ ७५ वेळा पाहिला आहे. स्पायडर मॅन आहे हा तर”
दुसऱ्याने लिहिले की, दुचाकीस्वाराने ट्रकवरुन अगदी सहजपणे लँड केले. आश्चर्यकारक
हा व्हिडीओ रस्त्यावरील घटनांच्या अनिश्चिततेची आणि शोकांतिका टाळण्यासाठी सतर्कतेच्या महत्त्वपूर्ण भूमिकेची आठवण करून देते.
