कौटुंबिक वाद सगळ्यांचे होतात. असे कुटुंब नसेल ज्याचे सदस्य एकमेकांशी वाद घालत नाहीत. काही वाद काही काळानंतर मिटतात तर काही बिघडतात. वाद मोठ्या मुद्द्यावरून किंवा छोट्या मुद्द्यावरून सुरू होऊ शकतो.कधीकधी परिस्थिती खूप वाईट होते जी नंतर भांडणाचे कारण बनते. घरगुती हिंसाचाराच्या अनेक बातम्या वेळोवेळी येत असतात. अशीही उदाहरणे आहेत ज्यात एकतर सासरचे लोक स्त्रियांशी गैरवर्तन करतात किंवा स्त्रिया त्यांच्या सासरच्या लोकांशी गैरवर्तन करतात. दरम्यान समोर आलेल्या व्हिडीओमध्ये एक महिला आपल्या सासऱ्यावर हिंसक हल्ला करताना दिसत आहे.
या व्हिडीओमध्ये तुम्ही पाहू शकता, व्हिडिओमध्ये हिरवा ड्रेस घातलेली एक महिला हातात लोखंडी पाईप धरुन उभी असलेली दिसत आहे. तिच्या हावभावावरून असे दिसते की, ती महिला एका वृद्ध पुरुषावर ओरडत आहे तर दुसरी स्त्री आणि एक पुरुष त्याला शांत करण्याचा प्रयत्न करत आहेत. काही वेळाने संतापलेली महिला पुढे सरकते, तर दुसरी महिला त्या वृद्धाला वाचवण्याचा प्रयत्न करते. दरम्यान, संतापलेल्या महिला वृद्धाला लोखंडी पाईपने मारण्याचा प्रयत्न करते. पण, दुसरी महिला मधेच राहून हल्ला थांबवते. अचानक वृद्ध तिथून पळू लागतो आणि ती बाई रस्त्याने त्याचा पाठलाग करू लागते.
पाहा व्हिडीओ
हेही वाचा – मध्य प्रदेशात पोलिसांचा अमानवी चेहरा! महिलेला बोनेटवर फरपटत नेले; Video viral होताच अधिकारी निलंबित
व्हिडिओच्या शेवटी जखमी व्यक्तीला खुर्चीवर बसलेले दाखवले आहे. शनीकपूर नावाच्या युजरने हा व्हिडिओ ट्विटरवर शेअर केला आहे आणि वापरकर्त्याने दावा केल्यानुसार, ही घटना हरियाणामध्ये घडली आहे.
