Viral Video Shows dog Sitting On A Bicycle : श्वान हा सर्वांत प्रामाणिक पाळीव प्राणी आहे, असं म्हटलं जातं. अनेक जण श्वान पाळतात, त्याला जीव लावतात, त्याची स्वतःच्या बाळाप्रमाणे काळजी घेतात. त्या बदल्यात श्वानही त्यांना प्रेम देतो. आपल्याला श्वान व माणूस यांच्या प्रेमाची जाणीव करून देणारी अनेक उदाहरणं पाहायला मिळतात. तर आज सोशल मीडियावर असाच एक व्हिडीओ व्हायरल (Viral Video) होत आहे. त्यामध्ये एक श्वान मालकाबरोबर बाईकवरून फिरताना दिसत आहे. काय आहे या व्हिडीओत खास चला पाहू…
व्हायरल व्हिडीओ (Viral Video) ट्रॅफिक सिग्नलदरम्यान शूट करण्यात आला आहे. काही अज्ञात तरुणी चारचाकीमधून प्रवास करत असतात. यादरम्यान ट्रॅफिक सिग्नलवर एक दुचाकी उभी दिसते. तसेच या दुचाकीवर मालकाबरोबर एक श्वानसुद्धा असतो. या श्वानाला रायडरप्रमाणे काळ्या रंगाचे कपडे घातलेले असतात आणि डोळ्यांवर गॉगलसुद्धा लावलेला असतो; तर गाडीत बसलेल्या अनोळखी तरुणी हे गाडीत बसून पाहतात आणि श्वानाला पाहण्याची इच्छा व्यक्त करतात. तर हे लक्षात आल्यावर मालक काय करतात हे व्हायरल व्हिडीओतून तुम्हीसुद्धा बघा…
व्हिडीओ नक्की बघा…
व्हायरल व्हिडीओत तुम्ही पाहिलं असेल की, ट्रॅफिक सिग्नलदरम्यान एक तरुण आपल्या श्वानाला घेऊन बाईकवर बसलेला दिसतो आहे. हे पाहून चारचाकीमध्ये बसलेल्या अनोळखी तरुणी श्वानाला पाहण्याची इच्छा व्यक्त करतात आणि मोबाईलमध्ये शूट करून घेण्याचा प्रयत्न करत असतात. या सगळ्या हालचाली श्वानमालकास समजतात आणि तो बाईकवर पुढे बसलेल्या श्वानाला उचलून गाडीत बसलेल्या तरुणींना दाखवतो. हे पाहून अनोळखी तरुणी जोरजोरात हसू लागतात आणि आनंद व्यक्त करतात. याचदरम्यान श्वानाने रायडरप्रमाणे घातलेले कपडे आणि त्याच्या डोळ्यांवरील गॉगल तुम्ही पाहू शकता.
एक छोटे हेल्मेट घातले असते तर…
सोशल मीडियावर हा व्हिडीओ @pubity या इन्स्टाग्राम अकाउंटवरून शेअर करण्यात आला आहे. तसेच ‘श्वानाने गॉगलसुद्धा लावला आहे’, अशी कॅप्शन व्हिडीओला देण्यात आली आहे. हा व्हिडीओ पाहून नेटकरीसुद्धा श्वानाच्या प्रेमात पडले आहेत. एका नेटकऱ्याने ‘श्वानाकडे लायसन्स आहे का’, ‘एक छोटे हेल्मेट घातले असते, तर श्वानाचा लूक पूर्ण झाला असता’, ‘हा खरा रायडर आहे’ आदी अनेक कमेंट्स नेटकऱ्यांनी व्हिडीओखाली केलेल्या पाहायला मिळत आहेत.
