Viral Video Shows father son duo Sing Atif Aslam song : आपण कितीही मॉडर्न काळात वावरत असलो तरीही ९० च्या दशकातील बरीच गाणी सध्या ट्रेंड म्हणून इन्स्टाग्रामवर रीलमार्फत व्हायरल होताना दिसतात. जुने चित्रपट म्हणा किंवा त्यांच्यातील गाणी आजही अनेकांच्या मनात घर करून आहेत. तर, सध्या सोशल मीडियावर व्हायरल होणाऱ्या एका व्हिडीओमध्येही (Viral Video) असंच काहीसं पाहायला मिळालं. ९० च्या दशकातील एका प्रसिद्ध गाण्यानं सगळ्यांना वेड लावलं आहे. कारण- आज एक बाबा-लेकाची जोडी सुंदर गाणं सादर करताना दिसली आहे.
२००५ मध्ये प्रदर्शित झालेल्या कलियुग या चित्रपटातील ‘आदत’ हे गाणं आपल्यातील बऱ्याच जणांनी ऐकलं असेल. हे गाणं चित्रपटात आतिफ अस्लमनं गायलं आहे. पण, आज हे गाणं बाबा-लेकाच्या जोडीनं सादर करून दाखवलं आहे. लेकानं हातात गिटार धरलं आहे आणि बाबा गिटारच्या तालावर त्यांच्या मंत्रमुग्ध आवाजात ‘जुदा होके भी, तू मुझमें कहीं बाकी है…’ गाणं गाण्यास सुरुवात करतात. बाबा-लेकाचा व्हायरल व्हिडीओ (Viral Video) एकदा तुम्हीसुद्धा बघा…
व्हिडीओ नक्की बघा…
‘जुदा होके भी, तू मुझमें कहीं बाकी है…’
व्हायरल व्हिडीओत तुम्ही पाहिलं असेल की, लेकाच्या गिटारच्या तालावर बाबा हावभाव देत, त्यांच्या मधुर आवाजात गाणं गात आहेत. त्यांचा आवाज ऐकून तुम्हालाही आश्चर्य वाटल्याशिवाय राहणार नाही. दोघांनी असे व्हिडीओ पोस्ट करण्याची ही पहिलीच वेळ नाही. बऱ्याच व्हिडीओमध्ये बाबा एकटेच गाणं सादर करतात; पण काही व्हिडीओमध्ये त्यांचा लेकसुद्धा त्यांना गिटार वाजवून साथ देत असतो. त्यामुळे त्यांच्या व्हिडीओचं सोशल मीडियावर बरंच कौतुक होताना दिसत असतं.
सोशल मीडियावर हा व्हिडीओ @singer_jagdish_kandpal या इन्स्टाग्राम अकाउंटवरून शेअर करण्यात आला आहे. तसेच आतिफ अस्लमने गायलेलं जुदा होके भी गाणं बाबा-लेकाच्या जोडीनं कव्हर केलं, अशी कॅप्शन व्हिडीओला देण्यात आली आहे. व्हिडीओ पाहून आणि बाबांचा मधुर आवाज ऐकून अनेक नेटकरी थक्क झाले आहेत. काही जणांना ही जोडी खूपच आवडली आहे. अनेक जण हार्ट इमोजीसह ‘ही जोडी खूप मस्त आहे’, ‘खूप छान गाताय’, या शब्दांत कमेंट्समध्ये कौतुक करताना दिसत आहेत.
