Viral Video Shows Humanity Still Alive : एखाद्याला संकटात मदत करणे हे एक चांगले काम समजले जाते. तुम्ही केलेली छोटीशी मदतही एखाद्याचे आयुष्य बदलू शकते किंवा त्याला जीवनदान सुद्धा मिळू शकते. त्यामुळे आपण जगत असतांना दुसऱ्याला जगायला मदत करणे हीच खरी मानवता आहे. तर आज सोशल मीडियावर असाच एक व्हिडीओ व्हायरल होत आहे, या व्हिडीओमध्ये गेटच्या फटीत एक पक्षी अडकलेला दिसतो आहे. या पक्ष्याला मदत करण्यासाठी एका व्यक्तीने मदतीचा हात पुढे केला आहे. नक्की काय घडलं बातमीतून सविस्तर जाणून घेऊ…
व्हायरल व्हिडीओ (Viral Video ) कुठला आहे याची अद्याप माहिती कळू शकलेली नाही. पण, एका गार्डनच्या गेटच्या फटीत एक कावळा अडकलेला दिसतो आहे. कावळा फटीतून आपलं मान काढण्याचा प्रयत्न करत असतो. पण काही केल्या तो तिथून त्याचे मान काढू शकत नाही. हे तेथे उपस्थित एक अज्ञात व्यक्ती पाहते आणि कावळ्याची मदत करण्याचे ठरवते. व्यक्ती एक काठी घेऊन येते आणि नक्की पुढे काय करते , कावळ्याची मान सुखरूप बाहेर निघते का व्हायरल व्हिडीओतून तुम्हीसुद्धा बघा…
हेही वाचा…‘अभी ना जाओ छोड कर…’ भर पावसात नातवाला शाळेत सोडायला निघाले आजोबा; VIDEO पाहून नेटकरी झाले भावूक
व्हिडीओ नक्की बघा…
माणुसकी…
व्हायरल व्हिडीओत (Viral Video) तुम्ही पाहिलं असेल की, कावळ्याची मान गेटमध्ये अडकलेली पाहून व्यक्ती एक काठी घेऊन येते. ती काठी कावळ्याच्या खाली आडवी धरते. असे केल्यानंर कावळ्याचे पाय आपोआप त्या काठीवर येतात. व्यक्ती हळूहळू ती काठी वर सरकवत जाते, तसतसं कावळा सुद्धा वर जाऊ लागतो. हा जुगाड केल्यामुळे कावळ्याची मान गेटच्या फटीतून सुखरूप बाहेर काढली जाते आणि कावळा आकाशात उडून जातो. अशाप्रकारे कावळ्याला जीवनदान मिळते.
सोशल मीडियावर हा व्हिडीओ @zindagi.gulzar.h या इन्स्टाग्राम अकाउंटवरून शेअर करण्यात आला आहे. ‘कहीं का किया कहीं तो अवश्य मिलता है’ अशी कॅप्शन त्यांनी व्हिडीओला दिली आहे. नेटकरी हा व्हिडीओ पाहून व्यक्तीचे कौतुक करत आहेत तर काही जण कावळ्याला जीवनदान दिल्याबद्दल थँक यू म्हणताना दिसत आहे. याचबरोबर ‘आपण लोकांचं भलं केलं तर आपलं भलं होईल’, ‘माणुसकी’ ; आदी अनेक कमेंट नेटकऱ्यांनी व्हिडीओखाली केलेल्या पाहायला मिळत आहेत.
