तुम्ही पोपटाला कधी स्कूटरवरून प्रवास करताना पहिले आहे का? Video पाहून बसेल धक्का; नेटकरी म्हणतायत…’ड्रायव्हिंग टेस्ट’

व्हायरल व्हिडीओ बंगळुरूचा आहे. ट्रॅफिक दरम्यान एक्स (ट्विटर) युजर राहुल जाधव रिक्षातून प्रवास करत होता. या दरम्यान त्याला एक महिला दिसली. ही महिला स्कुटरवरून तिच्या मैत्रिणीबरोबर विनाहेल्मेट प्रवास करत होती. फक्त एवढेच नाही तर तिच्या खांद्यावर पोपट सुद्धा बसलेला दिसतो आहे.त्याला हे दृश्य पाहून आश्चर्य वाटले आणि त्याने या गोष्टीचा व्हिडीओ आपल्या मोबाईलमध्ये रेकॉर्ड करून घेतला. स्कुटीवरून प्रवास करणाऱ्या पोपटाचा व्हिडीओ एकदा तुम्हीसुद्धा नक्की बघा…

व्हिडीओ नक्की बघा…

https://twitter.com/iRahulJadhav/status/1895380063618838833

व्हायरल व्हिडीओत तुम्ही पहिले असेल की, रिक्षातून हा व्हिडीओ शूट करण्यात आला आहे. दोन्ही मैत्रिणी स्कुटीवरून प्रवास करत आहेत. त्यादरम्यान स्कुटर चालवणाऱ्या मैत्रिणीच्या खांद्यावर रंगीबेरंगी पोपट सुद्धा बसला आहे आणि हा पोपट तिला कोणत्याही प्रकारचा त्रास सुद्धा देत नाही आहे हे पाहून तुम्हाला आश्चर्य वाटल्याशिवाय राहणार नाही. प्राण्यांना बंधिस्त (पिंजऱ्यात) ठेवण्यापेक्षा त्यांना हवेतसे स्वातंत्र दिले पाहिजे ; हे दाखवणारा हा उत्तम व्हिडीओ आहे असे म्हणायला हरकत नाही.

सोशल मीडियावर व्हायरल होणारा हा व्हिडीओ @iRahulJadhavया एक्स (ट्विटर) अकाउंटवरून शेअर करण्यात आला आहे. नेटकरी हा व्हिडीओ पाहून मजेशीर कमेंट करताना दिसत आहेत. ड्रायव्हिंग टेस्ट पास झाली, पोपट तुम्हाला काहीतरी सांगण्याचा प्रयत्न करत आहे, पीक बंगळुरू मोमेंट (peak bengaluru moment ) , तसेच काही जण विनाहेल्मेट प्रवास करणाऱ्या महिलेला फाटकारताना दिसत आहेत ; आदी अनेक कमेंट नेटकऱ्यांनी केलेल्या दिसत आहेत.