‘मम्मी प्लिज मला चढू दे…’ जत्रेत राईडमध्ये बसण्यासाठी श्वानाचा हट्ट, मालकिणीने केला ‘असा’ पूर्ण; पाहा Viral Video

व्हायरल व्हिडीओ (Viral Video) एका जत्रेतील आहे. येथे इंजिनचे छोटे-छोटे डब्बे असणारी एक विशेष राईड (Ghirni Ride) असते. या छोट्या-छोट्या इंजिनच्या डब्यामध्ये एकेक व्यक्ती बसू शकते आणि मग ही राईड गोल-गोल फिरू लागते. यामध्ये काही लहान मुले राईडचा आनंद घेताना दिसत आहेत. हे पाहून श्वानदेखील त्या राईडकडे अगदी आशेने बघताना दिसत आहे. तो आपल्या मालकिणीकडे त्या राईडमध्ये बसण्याची विनवणी करताना दिसतो आहे. तर मालकिणीने श्वानाचा हट्ट पुरवला का, व्हायरल व्हिडीओतून तुम्हीसुद्धा नक्की बघा…

हेही वाचा…अरेरे! पिल्लाला झोपेतून उठवणारी आई; कधी सोंड तर कधी शेपटी ओढत प्रयत्न सुरु; Viral Video पाहून आवरणार नाही हसू

व्हिडीओ नक्की बघा…

व्हायरल व्हिडीओत (Viral Video) तुम्ही पाहिले असेल की, श्वानाला त्या राईडमध्ये बसण्याची खूप इच्छा असते. पण, तो तितकाच घाबरतसुद्धा असतो. एकदा राईडजवळ तर एकदा मालकिणीकडे असा फेरफटका तो मारताना दिसतो आहे. हे पाहून मालकीण तिकीट खरेदी करण्यासाठी जाते, त्यांची परवानगी घेऊन तेथून तिकीट खरेदी करते आणि मग श्वानाला राईडमध्ये बसवते. इंजिनच्या छोट्या डब्यात श्वान बसतो आणि या विशेष राईडचा आनंद घेताना दिसतो. श्वानाच्या मनात काय चालू असणार याचे हिंदीमध्ये सबटायटलसुद्धा व्हिडीओवर मजकुरात लिहिले आहे, जे वाचून तुम्हीदेखील पोट धरून हसाल.

राईड मालकाने श्वानाला बसण्याची परवानगी दिली

सोशल मीडियावर व्हायरल होणारा हा व्हिडीओ @pawson_dodo या इन्स्टाग्राम अकाउंटवरून शेअर करण्यात आला आहे. ‘श्वानाची उत्सुकता’ अशी कॅप्शन व्हिडीओला देण्यात आली आहे. नेटकरीसुद्धा व्हिडीओ पाहून, ‘राईड मालकाने श्वानाला बसवण्याची परवानगी दिली हे पाहून बरे वाटले’, ‘इन्स्टाग्रामवरचा सगळ्यात बेस्ट व्हिडीओ’ आदी अनेक कमेंट नेटकऱ्यांनी केल्या आहेत. तुम्ही @pawson_dodo या अकाउंटवर पाहिलेत तर या जत्रेत श्वान डोडोने इतर अनेक राईड्सचासुद्धा आनंद घेतला आहे.