Viral Video Shows How Rubber Bands Made: रबर बँड ही प्रत्येक घरात आढळणारी अत्यंत आवश्यक गोष्ट आहे. केस बांधण्यासाठी ते एखादी खाद्यपदार्थाची पिशवी बांधून ठेवण्यासाठी आपल्यातील अनेक जण रबर बँडचा उपयोग करतात. पण, तुम्ही कधी विचार केला आहे का, पाच ते १०-१५ रुपयांना मिळणारा हा रबर बँड नक्की कसा बनवला जात असेल? हे आज आपण व्हायरल व्हिडीओतून पाहू शकतो. हा व्हिडीओ पाहिल्यानंतर तुम्हालाही प्रश्न पडेल की, एवढी मेहनत करून बनवला जाणारा हा रबर बँड इतक्या स्वस्तात का विकला जातो? सलोव भारद्वाज (@foodiee_sahab) नावाच्या एका इन्स्टाग्रामच्या कंटेन्ट क्रिएटरने एक व्हिडीओ शेअर केला आहे. पाच ते दहा रुपयांना मिळणारे हे रबर बँड बनवण्यासाठी देशातील हजारो लोक रात्रंदिवस मेहनत करतात. व्हिडीओची सुरुवात रबराच्या झाडाच्या खोडावर चिरा बनवण्यापासून सुरू होते. चिरा बनवल्यानंतर काही वेळाने झाडातून द्रव टपकू लागतो, जो नंतर लहान कंटेनरमध्ये गोळा केला जातो. त्यानंतर यामध्ये विविध वस्तू मिक्स केल्या जातात. त्यानंतर हे मिश्रण एका ड्रममधून दुसऱ्या ड्रममध्ये ओतले जात आहे. नक्की कसे बनवले जात आहेत रबर बँड व्हायरल व्हिडीओतून तुम्हीसुद्धा बघा. हेही वाचा…अरे हे काय? साडी न दिल्याने पत्नीने थेट केली तक्रार; मजेशीर प्रकरणावर कसा निघाला तोडगा; कुठे घडली घटना? घ्या जाणून व्हिडीओ नक्की बघा… https://www.instagram.com/reel/C88qRLpvhM-/?utm_source=ig_embed&ig_rid=5ebe6f23-fbcc-44f2-8ef6-0fc08578d433 व्हायरल व्हिडीओत तुम्ही पाहू शकता की, मिश्रण एका ड्रममधून दुसऱ्या ड्रममध्ये ओतले जात आहे. या प्रत्येक ड्रममध्ये वेगवेगळे रंग टाकले आहेत. नंतर मिश्रणात अनेक रॉड्स (दांड्या) बुडवल्या आहेत, त्यामुळे ड्रमधील द्रव पदार्थ त्या रॉड्सवर (दांड्याना) चिटकतो. मग ते सुकवण्यासाठी प्लास्टिकवर ठेवले जातात. एकदा हे व्यवस्थित सुकलं, की रबर रॉड्सपासून वेगळे केले जातात आणि मशीनच्या साहाय्याने त्याचे छोटे तुकडे केले जातात. नंतर रबर बँडमध्ये एक द्रव मिसळला जात आहे, जेणेकरून ते चमकदार दिसतील. म्हणून त्याला काही वेळ सूर्यप्रकाशात ठेवलं आहे. सोशल मीडियावर हा व्हिडीओ @foodiee_sahab या इन्स्टाग्राम अकाउंटवरून शेअर करण्यात आला आहे. हा व्हिडीओ इन्स्टाग्रामवर व्हायरल झाला असून त्याला ३.४ कोटींहून अधिक व्ह्यूज मिळाले आहेत. या पोस्टला १४ लाखांहून अधिक युजर्सनी लाइक केले आहे. या व्हिडीओवर अनेकांनी कमेंट केल्या आहेत. एका वापरकर्त्याने कमेंट केली की, 'रबर बँड बनवण्यासाठी खूप मेहनत करावी लागते, पण ते खूप स्वस्त विकले जातात; हे खूप विचित्र आहे." आदी अनेक कमेंट नेटकऱ्यांनी केल्या आहेत.
