Viral Video Shows Pet Dog Help Her Owner : आपल्या घरी एखादा प्राणी पाळणे असे अनेकांचे स्वप्न असते. मग त्या प्राण्याला घरातील एक सदस्य म्हणूनच ठेवणे, त्याच्याबरोबर फिरणे, त्याला आवडीच्या वस्तू खाऊ घालणे ते त्याला माणसांप्रमाणे त्याला कपडे विकत घेणे आदी अनेक गोष्टी आपल्यातील बरेच जण करत असतात. अनेकांच्या घरी पाळीव कुत्रा असल्याचे पाहायला मिळते. कारण – श्वान हा इमानदार प्राणी म्हणून ओळखला जातो. आपल्या मालकाच्या संरक्षणासाठी, मदत करण्यासाठी तो कोणतीही जोखीम पत्करायला तयार असतो. तर सोशल मीडियावर असाच एक व्हिडीओ व्हायरल होत आहे. यामध्ये मालकिणीची मदत करताना श्वान दिसला आहे.
व्हायरल व्हिडीओच्या (Viral Video) सुरुवातीला मालकीण, तिची लेक आणि तिचा पाळीव श्वान दिसतो आहे. मालकिणीला भिंतीवर ठेवलेली काठी काढ्याची असते. पण, ही काठी उंचावर असल्यामुळे तिचा हात पोहचत नसतो. ती अनेकदा ही काठी काढण्याचा प्रयत्न करते. पण, ती अयशस्वी ठरते. तर ही गोष्ट पाळीव श्वान पाहतो आणि तिची मदत करण्यासाठी पुढे येतो. पाळीव श्वान नक्की कशाप्रकारे आपल्या मालकिणीची मदत करतो हे व्हायरल व्हिडीओतून तुम्हीसुद्धा नक्की बघा…
व्हिडीओ नक्की बघा…
मैं हूँ ना…
व्हायरल व्हिडीओत (viral video) तुम्ही पाहिलं असेल की, काठी काढण्यासाठी श्वान भिंतीच्या खाली असणाऱ्या कठड्यावर उडी घेतो आणि तोंडावाटे काठी उचलतो. हे पाहून मालकीण खुश होते आणि श्वानाला उचलून घेते आणि खाली जमिनीवर उतरवून ठेवते. श्वानाचे असे बरेच व्हिडीओ मालकिणीने इन्स्टाग्रामवर शेअर केले आहेत. तसेच या व्हिडीओला ‘मैं हूँ ना’ हे गाणं जोडण्यात आलं आहे आणि हा व्हिडीओ या गाण्याचा खरा अर्थ आहे अशी कॅप्शन व्हिडीओला देण्यात आली आहे.
सोशल मीडियावर हा व्हिडीओ @cute__dogsofficial या इन्स्टाग्राम अकाउंटवरून शेअर करण्यात आला आहे. नेटकरी हा व्हिडीओ पाहून त्यांचे पाळीव श्वान अशा परिस्थितीत कसे वागतात याचे वर्णन करताना दिसले आहेत. तर काही श्वानाचे कौतुक करताना कॅमेटमध्ये दिसत आहेत. एकूणच सोशल मीडियावर या व्हिडीओने अनेकांचे लक्ष वेधून घेतले आहे.
