VIRAL VIDEO : त्याला कळलं असेल का? पुण्यातून शिफ्ट होताना पोपटाने घेतला तिचा निरोप, मिठू-राधिकाची मैत्री सोशल मीडियावर व्हायरल

इन्स्टाग्राम युजर @birdwatching_with_radhika राधिका व्यवसायाने पक्षी निरीक्षक आहे. राधिका पुण्यातून दुसरीकडे स्थलांतरित (शिफ्ट) होणार असते. त्यामुळे ती शिफ्टिंगच्या कामात व्यग्र असते. पण, यादरम्यान खूप दिवसांनी तिच्या बाल्कनीच्या रेलिंगवर तिचा पोपट मित्र ‘मिठू’ येऊन बसतो. खूप दिवसांनी ‘मिठू’ तिला भेटायला आला होता, असे तिचे म्हणणे आहे. तो रेलिंगवर बसलेला असताना तिने त्याच्याशी संवाद साधला, त्याला खाऊ घातले. त्यानंतर तो पोपट राधिकाच्या हातावरून तुरुतुरु चालत तिच्या डोक्यावरदेखील जाऊन बसला. जणू काही राधिकाला निरोप द्यायला तो तिथे आला होता. व्हायरल होणारा हा हृदयस्पर्शी व्हिडीओ (Viral Video) एकदा नक्की बघा…

हेही वाचा…वाढदिवसाला चिमुकल्याचा हट्ट, हॅप्पी बर्थडे ऐवजी लावलं ‘हे’ गाणं; पाहा मजेशीर VIRAL VIDEO

व्हिडीओ नक्की बघा…

खूप दिवसांनी मिठू आम्हाला भेटायला आला…

हा व्हायरल व्हिडीओ (Viral Video) राधिकाच्या घरी उपस्थित असणाऱ्या अनोळखी व्यक्तीने शूट केला आहे. तर या खास व्हिडीओला राधिकाने ‘अभी ना जाओ छोड कर’ हे गाणे बॅकग्राऊंडसाठी वापरले आहे. तसेच “अलविदा दोस्त… आम्ही शिफ्टिंगच्या कामात व्यस्त असताना, खूप दिवसांनी मिठू आम्हाला भेटायला आला. मला वाटतं की, त्याला माझा एकदा शेवटचा निरोप घ्यायचा होता. इतक्या दिवसांनी तो अचानक बाल्कनीत दिसला. इथून जाण्यापूर्वी मी त्याला कधी भेटेन, असे मला वाटले नव्हते. पण, त्याच्या येण्याने मी खूप भावूक झाले; जणू तो मला निरोप द्यायला आला होता. तो गेल्यावर मी विचार करत बसले होते. त्याला कळलं असेल का, मी इथून निघून जाते आहे”, अशी कॅप्शन तिने या व्हिडीओला दिली आहे.

सोशल मीडियावर व्हायरल होणारा हा व्हिडीओ @birdwatching_with_radhika या इन्स्टाग्राम अकाउंटवरून शेअर करण्यात आला आहे. हा व्हिडीओ पाहून अनेक नेटकरी भावूक झाले आहेत. काही जण त्यांचे अनुभव शेअर करीत आहेत. एका युजरने, “आता काही इतर शहरांतील पक्ष्यांना राधिकाची गरज आहे. तिने तिचा येथील रोल (भूमिका) पूर्ण केला आहे,” असे कमेंटमध्ये म्हटले आहे. दुसरा युजर म्हणतोय, “हे तुमच्यासाठी खूप कठीण आहे. मिठू तुला नक्कीच मिस करेल.” अशा स्वरूपाच्या अनेक कमेंट्स नेटकऱ्यांनी केल्या आहेत.