Video Shows vendor got off a moving train and boarded another moving train : माझ्या आयुष्यात खूप प्रॉब्लेम्स आहेत असे म्हणणारे तुम्हाला बरेच जण सापडतील. काही जणांना ९ ते ५ जॉब नकोसा वाटतो तर काही जणांना व्यवसायातून कुटुंबासाठी वेळ काढणे कठीण जाते. त्यामुळे बहुतेक लोकांचं असं म्हणणं असतं की त्यांना दु:ख सहन करता येत नाही. त्यांना आयुष्यात सुख हवे असते. पण, खरी गोष्ट अशी की असे लोक सुख आणि दु:ख दोन्ही सहन करू शकत नाहीत. तसेच आजचा व्हायरल व्हिडीओ बघून असेही म्हणाल की, मला वाटते तितके माझे जगणे अवघड नाही.
व्हायरल व्हिडीओ फेरीवाल्याचा आहे. फेरीवाला आपल्या पोटा-पाण्यासाठी तारेवरची कसरत करताना दिसतो आहे. धावत्याट्रेनमधून एक फेरीवाला उतरतो. उतरल्यानंतर त्याची टोपली ट्रेनमधून उतरवतो. टोपली डोक्यावर धरून चालत पटरी पार करतो आणि दुसऱ्या धावत्या ट्रेनपाशी जातो, तिथे टोपली ठेवतो यादरम्यान दोन्ही ट्रेनचा स्पीड कमी असतो. त्यामुळे विक्रेत्याला हे करणे सोपे पडते. तारेवरची कसरत करणारा विक्रेता व्हायरल व्हिडीओतून तुम्हीसुद्धा नक्की बघा…
व्हिडीओ नक्की बघा…
मजबूरी अशीच असते
९ ते ५ जॉब करणारे किंवा एखादे दुकान चालवणाऱ्या एका व्यक्तीला एका ठिकाणी बसून काम करावे लागते. पण ट्रेनमधून छोट्या छोट्या गोष्टी विकणाऱ्यांना मात्र अशी तारेवरची कसरत करावी लागते. ट्रेनमध्ये अगदी पाण्यापासून ते जेवणापर्यंत अनेक छोट्या-छोट्या गोष्टी करणारे विक्रेते उपलब्ध असतात. त्यांनाही कोणती ट्रेन केव्हा येणार, कधी निघणार याची अचूक माहिती ठेवावी लागते. कारण – हा त्यांच्या पोटा-पाण्याचा प्रश्न असतो. तर आज व्हायरल व्हिडीओत सुद्धा हेच दृश्य पाहायला मिळाले आहे. अगदी जीव धोक्यात घालून विक्रेता ट्रेनमध्ये चढ-उतार करतो आहे.
सोशल मीडियावर व्हायरल होणारा हा व्हिडीओ @suraj_patel_jj या इन्स्टाग्राम अकाउंटवरून शेअर करण्यात आला आहे. तसेच ‘आणि तुम्हा लोकांना वाटतं की तुमचं जगणं अवघड आहे…’ ; अशी कॅप्शन व्हिडीओला देण्यात आली आहे. तसेच नेटकरी सुद्धा हा व्हिडीओ पाहून भारावून गेले आहेत आणि ‘दादा पैसे कमवणे एवढे सोपे नाही आहे, मजबूरी अशीच असते बाकी पोटाचा प्रश्न आहे, म्हणून आपण त्यांच्याकडून वस्तू, अन्न विकत घेतले पाहिजे’; आदी अनेक कमेंट नेटकऱ्यांनी केल्या आहेत…
