Viral Video : वाहतुकीच्या नियमांचे मुद्दाम उल्लंघन करून अनेक जण विरुद्ध दिशेने दुचाकी चालवतात, हेल्मेट घालत नाहीत, वाहन चालवताना फोनवर बोलतात. मग वाहतूक पोलिस अशा बेफिकीर वाहन चालकांकडून दंड वसूल करतात. तर आज सोशल मीडियावर असाच एक व्हिडीओ व्हायरल होत आहे. पण, आज कोणत्या तरुण-तरुणीला नाही तर वाहतूक पोलिसांनी एका चिमुकलीला सायकल चालवताना रोखलं आहे. नक्की काय आहे या व्हिडीओत खास चला बातमीतून जाणून घेऊया…
व्हायरल व्हिडीओ (Viral Video) कुठला आहे याची अद्याप माहिती कळू शकलेली नाही. पण, व्हिडीओत एक चिमुकली तिच्या आजोबांबरोबर फेरफटका मारताना दिसते आहे. चिमुकलीच्या तिच्या छोट्याश्या सायकलवर बसली आहे आणि आजोबा तिच्या सायकलचे हँडल पकडून तिला रस्त्यावर राउंड मारण्यासाठी घेऊन आले आहेत. तितक्यात रस्त्याकडेला नातं व आजोबांना वाहतूक पोलिस पाहतात आणि चिमुकलीची सायकल थांबवतात. नक्की वाहतूक पोलिस चिमुकलीबरोबर काय संवाद साधतात व्हायरल व्हिडीओतून तुम्हीसुद्धा बघा…
व्हिडीओ नक्की बघा…
लायसन्स कुठे आहे?
व्हायरल व्हिडीओत तुम्ही पाहिलं असेल की, वाहतूक पोलीस चिमुकलीला दोन ते तीन वेळा विचारतात की, लायसन्स कुठे आहे? लहान मुलांकडे लायसन्स नसेल तर त्यांना दंड म्हणून आमच्या गालावर चुंबन (kiss) द्यावी लागते. तर चिमुकलीला काहीच कल्पना नसते की समोरची व्यक्ती काय बोलते आहे आणि यादरम्यान आश्चर्याचे, गोंधळाचे हावभाव तिच्या चेहऱ्यावर असतात आणि ॲटिटय़ूडने ती ट्रॅफिक पोलिसांकडे बघताना दिसत आहे. याचबरोबर वाहतूक पोलिस चिमुकलीच्या आजोबांना प्रेमाने समजावून सांगतात की, Main Road वरून तिला घेऊन जाऊ नका.कारण – अनेक गाड्या ये-जा करताना दिसत आहेत.
सोशल मीडियावर हा व्हिडीओ @zindagi.gulzar.h या इन्स्टाग्राम अकाउंटवरून शेअर करण्यात आला आहे. ‘सर सायकलवर नंबर प्लेट सुद्धा नाही आहे, दंड तर घेतलाच पाहिजे’ ; अशी कॅप्शन त्यांनी पोस्टला दिली आहे. नेटकरी सुद्धा या व्हिडीओवर कमेंट करताना दिसत आहेत. काही जण पोट धरून हसत आहेत तर अनेक जण सायकलवर नंबर प्लेट आणि डोक्यावर हेल्मेट सुद्धा नाही आहे असे सांगत आहेत. तर बरेच जण वाहतूक पोलिसांच्या स्वभावाचे कौतुक करताना कमेंटमध्ये दिसून आले आहेत.
