Viral Video: दुसऱ्याला मदत करणे ही भावना प्रत्येकाच्या मनात असते. ही मदत अनेक स्वरूपात असू शकते. विविध सामाजिक उपक्रमांत आपण सहभागी होतो किंवा आर्थिक मदत देत असतो. पण, एखाद्याचे दुःख किंवा त्याची परिस्थिती समजून घेऊन किंवा बघून केलेली वैयक्तिक मदत करणे याचे सुख सगळ्यात वेगळे असते. आज सोशल मीडियावर असा एक व्हिडीओ व्हायरल होत आहे. त्यामध्ये सायकल किंवा हातगाडीवरून सामान वाहून नेणाऱ्या चालकाला एक तरुणी मदत करताना दिसत आहे.
कडाक्याच्या उन्हामध्ये सायकल किंवा हातगाडीवरून अवजड सामान वाहून नेणाऱ्या चालक वा भारवाहकांचे खूप हाल असतात. एक सायकल-रिक्षाचालक उड्डाणपुलावरून अवजड सामान घेऊन जात आहे. ते पाहताच एक तरुणी त्या चालकाला मदत करण्यासाठी, त्यांचा भार हलका करण्यासाठी त्यांच्या गाडीला ढकलताना दिसत आहेत. थोड्या वेळाने तीसुद्धा थकते आणि मित्राला मदतीसाठी बोलावते. व्हिडीओ शूट करणारा मित्र आणि तरुणी मिळून, सायकल-रिक्षाचालकाची अवजड सामानाची गाडी ढकलू लागतात. नंतर तरुणी काय करते ते व्हायरल व्हिडीओतून तुम्हीसुद्धा बघा.
व्हिडीओ नक्की बघा…
व्हायरल व्हिडीओत तुम्ही पाहिलं असेल की, सायकल-रिक्षाचालक मोठा कूलर आणि काही अवजड वाहने घेऊन उड्डाणपुलावरून जातो आहे. कडक उन्हात अवजड वाहने घेऊन जाताना पाहून, त्याचा भार हलका करण्यासाठी तरुणी मदतीचा हात पुढे करते. नंतर थोड्या वेळाने सायकल-रिक्षाचालकास थांबण्यास सांगून त्याला डबा, पाण्याची बाटली आणि त्याच्या अंगावर शालसुद्धा ओढते. हा मदतीचा हात नाही, तर सायकल-शिक्षाचालकाला विश्रांती घेण्यासाठीसुद्धा दिलेली एक संधी आहे.
तुमच्यातील अनेक जण एखादा वृद्ध रस्ता ओलांडताना दिसला की, त्यांना रस्ता सुखरूप ओलांडून देण्यास मदत करण्यासाठी पुढे जात असतील. तर, या व्हिडीओतसुद्धा असंच पाहायला मिळालं. सोशल मीडियावर हा व्हिडीओ @Gulzar_sahab या एक्स (ट्विटर) अकाउंटवरून शेअर करण्यात आला आहे. या व्हिडीओला आतापर्यंत पाच लाख व्ह्युज आले आहेत. तरुणीच्या दयाळूपणाच्या या हृदयस्पर्शी कृत्याने अनेकांचे लक्ष वेधून घेतले आहे. एकूणच सोशल मीडियावर हा व्हिडीओ अनेकांचे लक्ष वेधून घेतले आहे; जो सध्या खूप मोठ्या प्रमाणात व्हायरल होत आहे.
