Viral Video: आजकालची सर्वच लहान मुलं खूप अॅडव्हान्स झाली आहे. मोबाईल, इंटरनेट, सोशल मीडियावरील ट्रेंडिग गाणी, डायलॉग, डान्स स्टेप्स त्यांना अचूक ठाऊक असतात. यावरूनच सोशल मीडियाप्रति मुलांमध्ये खूप उत्सुकता आणि आकर्षण याची जाणीव होते. शिवाय मोठ्यांप्रमाणे लहान मुलंदेखील सोशल मीडियाच्या माध्यमातून आपली कला सादर करताना दिसतात. आतापर्यंत आपण अनेक व्हायरल व्हिडीओ पाहिले आहेत. दरम्यान, आता अशाच एका गोड चिमुकल्याचा व्हिडीओ व्हायरल होतोय.
हल्ली कधी कुठलं गाणं मोठ्या प्रमाणात चर्चेत येईल, हे सांगता येत नाही. या चर्चेत असलेल्या गाण्यांवर प्रत्येक वयोगटातील लोक, मोठमोठे कलाकारही ठेका धरताना दिसतात. सध्या कधी ‘माझ्या बाया भुकल्यान गं’, हे गाणं तर कधी ‘बाया माझ्या बांगुऱ्या मांगतान रं’ ही मराठी गाणी खूप चर्चेत आहेत, ज्यावर लाखो युजर्स रील्स बनवताना दिसत आहेत. आताही असाच एक व्हिडीओ व्हायरल होतोय.
या व्हायरल व्हिडीओमध्ये तुम्ही पाहू शकता, एक चिमुकला छान निळ्या रंगाचा कुर्ता घालून ‘माझ्या बाया भुकल्यान गं’ या सध्या चर्चेत असलेल्या मराठी गाण्यावर डान्स करताना दिसत आहे. यावेळी त्याच्या डान्स स्टेप्स, चेहऱ्यावरील हावभाव तुमचेही लक्ष वेधून घेईल. सध्या त्याचा हा व्हिडीओ खूप व्हायरल होतोय.
पाहा व्हिडीओ:
हा व्हिडीओ इन्स्टाग्रामवरील@ganeshkendre7707 या अकाउंटवरून शेअर करण्यात आला आहे. त्यावर आतापर्यंत दोन मिलियनहून अधिक व्ह्युज आणि हजारो लाइक्स मिळाल्या आहेत. त्यावर अनेक युजर्स कमेंट्स करीत आहेत. एका युजरने कमेंटमध्ये लिहिलेय “खूप सुंदर डान्स” आणखी एकाने लिहिलेय, “मस्त” आणखी एकाने लिहिलेय, “अरे भाऊ कडक ना…”