प्रत्येक विद्यार्थ्याच्या जीवनात शिक्षकांचे महत्व अनन्यसाधारण असते. चुकांवर विद्यार्थ्यांना ओरडणारा तर पैकीच्या पैकी गुण मिळाले की, कौतुकाची थाप देणारा तो शिक्षकच असतो. शिकवण्यापासून ते एक चांगला माणूस बनण्यापर्यंत शिक्षकांचा मोठा वाटा असतो. त्यामुळे विद्यार्थीसुद्धा शिक्षकांना सन्मान देत त्यांच्या वाढदिवसाचे हटके प्लॅन करताना दिसतात. पण, आज एक अनोखा व्हिडीओ समोर आला आहे; यात शिक्षिकेसाठी बेबी शॉवरचे आयोजन करण्यात आले आहे.
आतापर्यंत तुम्ही हॉल, घरी आदी ठिकाणी बेबी शॉवर कार्यक्रमाचे आयोजन करण्यात आलेलं पाहिलं असेल. पण, आज काही विद्यार्थिनींनी मिळून वर्गात शिक्षिकेच्या बेबी शॉवरचं आयोजन केलं आहे. शिक्षिका या त्यांचा अनमोल वेळ कॉलेज किंवा शाळेत असणाऱ्या विद्यार्थ्यांना देतात . बहुदा म्हणूनच या विद्यार्थिनींनी या खास कार्यक्रमाचे आयोजन केलं आहे. तर हे खास सरप्राईज शिक्षिकेला कसं देण्यात आलं हे एकदा व्हायरल व्हिडीओतून तुम्हीसुद्धा पाहा.
हेही वाचा…कौतुकास्पद! श्वानाने शॉर्ट सर्किटपासून वाचवले मालकाचे घर; जळती वायर खेचली अन्… पाहा VIDEO
व्हिडीओ नक्की बघा :
व्हायरल व्हिडीओत शाळेतील काही शिक्षिका या शिक्षिकेला बेबी शॉवरची सजावट करण्यात आलेल्या वर्गात घेऊन येतात. वर्गात शिक्षिकेचा प्रवेश (एंट्री) होतो, तेव्हा फुलांचा वर्षाव करण्यात येतो. वर्गात बेबी शॉवरसाठी फुग्यांची सुंदर सजावट करण्यात केलेली पाहून शिक्षिकेला विश्वास बसत नाही. विद्यार्थिनींनी केलेली तयारी पाहून शिक्षिकेला रडू येतं, पण तितकाच आनंदही होतो.
तुम्ही व्हिडीओत पाहिलं असेल की, शिक्षिका वर्गात येताच विद्यार्थिनी ‘मॉम टू बी’ लिहिलेला सॅश त्यांच्या गळ्यात घालतात. त्यानंतर टेबलावर त्यांच्यासमोर केक ठेवण्यात येतो. तसेच या कार्क्रमासाठी त्यांनी काही शब्दात विद्यार्थिनींचे आभार सुद्धा मानले. वर्गात बेबी शॉवर असे इंग्रजी अक्षरात लिहिलेले फुगे, चमकणाऱ्या पताकांची सजावट, केक, मॉम टू बी मजूकर लिहिलेला सॅश आदींचा या सजावटीमध्ये समावेश असतो. सोशल मीडियावर हा व्हिडीओ @perfectokay_andcrew.x__या इन्स्टाग्राम अकाउंटवरून शेअर करण्यात आला आहे. व्हिडीओ पाहून नेटकरी विद्यार्थिनींचे विविध शब्दात कौतुक करताना आणि भावुक होताना कमेंटमध्ये दिसून आले आहेत.
